အဖွဲ့နဲ့ရော တစ်ကိုယ်တော်အဖြစ်ပါ လူကြိုက်များရေပန်းစားတဲ့ Taeyeon ရဲ့ သီချင်းကောင်းများ

Taeyeon ဟာ အမျိုးသား အမျိုးသမီးမရွေး နှစ်သက်အားပေးကြတဲ့ နာမည်ကြီးအဆိုတော်နဲ့ Girls’ Generation မိန်းကလေးအဖွဲ့ဝင် တစ်ယောက်ပဲဖြစ်ပါတယ်။

သူ့ရဲ့နာမည်အပြည့်အစုံကတော့ Kim Tae-yeon ဖြစ်ပြီး ၁၉၈၉ ခုနှစ် မတ်လ ၉ ရက်နေ့တွင် မွေးဖွားခဲ့တာဖြစ်ပါတယ်။ Girls’ Generation အဖွဲ့နဲ့တော့ Debut လုပ်ခဲ့တာကတော့ ၂၀၀၇ ခုနှစ် ဩဂုတ်လတွင် ဖြစ်ပါတယ်။

ထိုမှတဆင့် Girls’ Generation-TTS, SM the Ballad, Girls’ Generation-Oh!GG, နဲ့ Got the Beat အဖွဲ့ခွဲတွေမှာလည်း ပါဝင်ခဲ့ပါသေးတယ်။

သီချင်းဆိုတာအပြင် We Got Married (2009), Begin Again (2019), Queendom 2 (2022) တို့လို Reality Shows တွေမှာလည်း ပါဝင်ခဲ့ဖူးပါသေးတယ်။

လက်ရှိမှာတော့ Amazing Saturday ဆိုတဲ့ အစီအစဥ်မှာ ၂၀၂၀ တည်းက ယခုအချိန်အထိ ပါဝင်နေဆဲပါပဲ။ Taeyeon ဟာ တစ်ကိုယ်တော်သီချင်းတွေအပြင် ဇာတ်လမ်းတွဲတွေရဲ့ နောက်ခံတေးသီချင်းတွေလည်း တော်တော်လေး လူကြိုက်များပါတယ်။

ဥပမာအနေနဲ့ ပြောရရင် Hong Gil-dong (“If”), Beethoven Virus (“Can You Hear Me”), Hotel del Luna (“All About You”) တို့ဆို မသိတဲ့သူ တော်တော်ရှားမှာပါ။

ဆုတွေအနေနဲ့လည်း Golden Disc Awards ၆ ဆု၊ Seoul Music Awards ၆ ဆု၊ Circle Chart Music Awards ၅ ဆု၊ Melon Music Awards ၃ ဆုနဲ့ Mnet Asian Music Awards ၄ ဆုတို့ကိုလည်း ရရှိပိုင်ဆိုင်ထားခဲ့ပြီပဲဖြစ်ပါတယ်။

သူ့ရဲ့သီချင်းတွေ အများအပြားရှိတဲ့အနက် လူကြိုက်အများဆုံးနဲ့ ရေပန်းအစားဆုံးသီချင်းများကို သီချင်းချစ်သူပရိသတ်များအတွက် ဝေမျှပေးလိုက်ရပါတယ်။

INVU