Backstreet boys ဆိုတဲ့ အဖွဲ့ဝင် ၅ ဦးပါဝင်တဲ့ အမေရိကန် အဆိုတော် အဖွဲ့ကို သီချင်းနားထောင်သူတွေ တော်တော်များများ သိကြမှာပါ။
အဖွဲ့ဝင်တွေကတော့ Nick Carter ၊ Howie Dorough ၊ AJ McLean ၊ Brian Littrell နဲ့ Kevin Richardson တို့ပဲ ဖြစ်ပါတယ်။
ဒီအဖွဲ့ကို ၁၉၉၃ ခုနှစ်၊ အမေရိကန်နိုင်ငံ ဖလော်ရီဒါပြည်နယ် အော်လန်ဒိုတွင် စတင်ဖွဲ့စည်းခဲ့ပြီး ၎င်းတို့ရဲ့ နိုင်ငံတကာ ပွဲဦးထွက် အယ်လ်ဘမ် Backstreet Boy ဖြင့် ကျော်ကြားလာခဲ့ပါတယ်။
ယနေ့ထက်တိုင်လည်း ခမ်းနားလှတဲ့ အောင်မြင်မှုများစွာနဲ့အတူ အနုပညာလှုပ်ရှားမှုတွေ ဆက်လက်လှုပ်ရှားနေလျက် ရှိပါတယ်။
ဒီနေ့မှာတော့ ဘယ်တော့မှ မရိုးတဲ့ Backstreet boys ရဲ့ သီချင်းကောင်းများကို ပြန်လည် နားဆင်နိုင်ဖို့ ဝေမျှပေးလိုက်ပါတယ်။
I Want It That Way
ပထမဆုံးဖော်ပြချင်တဲ့ Backstreet boys ရဲ့ သီချင်းကောင်းများထဲက တစ်ပုဒ်ကတော့ I Want It That Way ပဲ ဖြစ်ပါတယ်။ ဒီသီချင်းဟာ အကောင်းဆုံး သီချင်းများထဲက တစ်ပုဒ်လို့ ပြောလို့ရပါတယ်။
ဒီသီချင်းက လွန်ခဲ့တဲ့ ၁၀ နှစ်ကျော်က ထွက်ရှိခဲ့တဲ့ သီချင်းဖြစ်ပေမဲ့ ဒီနေ့အထိ လူကြိုက်များဆဲ သီချင်းပဲဖြစ်ပါတယ်။
Quit Playing Games (With My Heart)
ဒီသီချင်းဟာ ၁၉၉၆ ခုနှစ် အောက်တိုဘာတွင် ထွက်ရှိခဲ့ပြီး Billboard Hot 100 တွင် နံပါတ် ၂ ရခဲ့တဲ့ သီချင်းကောင်းလေး တစ်ပုဒ်ပဲဖြစ်ပါတယ်။
အမေရိကန် မဂ္ဂဇင်းတစ်ခုဖြစ်တဲ့ Rolling Stones ရဲ့ ၂၀၂၀ မှာ ပါရှိခဲ့တဲ့ အကောင်းဆုံး Boy Band သီချင်း ၇၅ ပုဒ်ကို ဖော်ပြခဲ့ရာ ဒီသီချင်းဟာ နံပါတ် ၂၆ အနေနဲ့ ပါဝင်ခဲ့ပါတယ်။
Everybody (Backstreet’s Back)
နောက်ထပ်ဖော်ပြချင်တဲ့ သီချင်းလေးကတော့ မြူးကြွတဲ့ သံစဉ်နဲ့အမိုက်စား သီချင်းလေးတစ်ပုဒ်ဖြစ်တဲ့ Everybody (Backstreet’s Back) ဆိုတဲ့ သီချင်းပဲ ဖြစ်ပါတယ်။
ဆယ်စုနှစ်ကြာပြီးနောက် ဒီသီချင်းဟာ ပိုလို့တောင် နားထောင်ကောင်းလာပြီး နားထောင်ရင်းနဲ့ ကိုယ်တိုင်မသိလိုက်ဘဲ တီးလုံးနဲ့ အညီခန္ဓာကိုယ်ကို လှုပ်ရှားမိပါလိမ့်မယ်။
As long as You Love Me
ဘယ်တော့မှ မရိုးတဲ့ Backstreet boys ရဲ့ သီချင်းကောင်းလေး တစ်ပုဒ်ကတော့ As Long as You Love Me ဆိုတဲ့ သီချင်းလေးပဲ ဖြစ်ပါတယ်။
၎င်းတို့ရဲ့ အောင်မြင်တဲ့ သီချင်းကောင်းလေးထဲက တစ်ပုဒ်လည်းဖြစ်ပါတယ်။ အချစ် သီချင်းကောင်းလေးဖြစ်တာမို့ နားဆင်ခံစားကြည့်ပါဦးနော်။
The Call
ဒီခပ်လန်းလန်း သီချင်းလေး ဖြစ်တဲ့ The Call ဆိုတဲ့ သီချင်းလေးကတော့ လိမ်လည်လှည့်ဖြားခဲ့တဲ့ ရည်းစားက လိမ်လည်ကြောင်းတွေ့ရှိသည့် အကြောင်းကို သီဆိုထားတာဖြစ်ပါတယ်။
The Call ကို “ကံကြမ္မာကိုပြောင်းလဲစေသောခေါ်ဆိုမှု” လို့ အဓိပ္ပာယ် ဖွင့်ဆိုထားပါတယ်။
