Shampoo ကို အနံ့ကောင်းတာမျိုးသုံးချင်တဲ့သူတွေအတွက် အနံ့အကောင်းဆုံးအဖြစ်နဲ့ သတ်မှတ်ဖော်ပြခြင်းခံထားရတဲ့ Shampoo တွေကို မျှဝေပေးလိုက်ပါတယ်။ ဘယ်လိုအနံ့လေးတွေဖြစ်မလဲ၊ ဘာတွေကောင်းနေလဲဆိုတာကို ကြည့်လိုက်ရအောင်…။
Curls Blueberry Bliss Reparative Hair Wash
Blueberry အနံ့လေးဖြစ်လို့ အရမ်းမွှေးပြီး ချစ်စရာကောင်းတဲ့ အနံ့လေးပါ။ ဆံသားအတွက်လိုအပ်တဲ့ အာဟာရဓာတ်ကို ရရှိစေပြီး ဆံသားသန်စွမ်းစေဖို့ အထောက်အကူပြုတဲ့ Shampoo ဖြစ်ပါတယ်။ Sulfate Free, Cruelty Free ဖြစ်ပါတယ်။
Ouai Detox Shampoo
Jasmine, peony, rose, white musk, champagne အနံ့လေးတွေ ပေါင်းစပ်ထားတဲ့အနံ့လေးက အရမ်းမွှေးတာကြောင့် တော်တော်များများ သဘောကျကြပါတယ်။ Detox Shampoo ဖြစ်လို့ အညစ်အကြေးတွေနဲ့ အဆိပ်အတောက်တွေကို ဖယ်ရှားပေးတာကြောင့် ဦးရေပြားကျန်းမာစေပါတယ်။ သူလည်း Sulfate Free, Cruelty Free ပါပဲ။
Maui Moisture Heal & Hydrate + Shea Butter Shampoo
အနံ့ကောင်းတဲ့ Drugstore Shampoo တစ်ခုဖြစ်ပါတယ်။ သူ့အနံ့က Shea butter နဲ့ melon ရောစပ်ထားတဲ့ အနံ့လေးဖြစ်လို့ အသစ်အဆန်းဖြစ်စေမှာပါ။ ဆံသားနဲ့ဦးရေပြားကို Moisturizing ပေးတာကြောင့် ဆံသားဖွာတာ၊ ဦးရေပြားခြောက်တာတွေ သက်သာစေပါတယ်။ သူလည်း Sulfate Free, Cruelty Free ပါပဲ။
Pantene Advanced Care 5 in 1 Pro-Vitamin B5 Complex Shampoo
ဈေးသင့်တင့်ပြီး လူကြိုက်များတဲ့ Shampoo တစ်ခုပါပဲ။ Light floral အနံ့လေးဖြစ်လို့ အနံ့သင်းသင်းလေးနဲ့ မွှေးပါတယ်။ ဒါကြောင့် သူလည်း လူကြိုက်များတဲ့အနံ့ပါပဲ။ ဆံသားပျက်စီးတာတွေ သက်သာစေပြီး ဆံသားကျန်းမာစေတယ်၊ ပျော့ပြောင်းစေပါတယ်။ Cruelty Free ဖြစ်ပါတယ်။
Phillip Adam Orange Vanilla Shampoo
Vanilla နဲ့ orange ပေါင်းစပ်ထားတဲ့အနံ့ဖြစ်လို့ မွှေးပြီး Fresh ဖြစ်စေပါတယ်။ ဘယ်လို Hair Type မျိုးနဲ့မဆို အဆင်ပြေပြီး ဆံသားကျန်းမာစေပါတယ်။ ဆံသားပျက်စီးနေတာတွေလည်း သက်သာစေပါတယ်။ ဒါ့အပြင်Sulfate Free, Cruelty Free ဖြစ်ပါတယ်။
