မျက်နှာမှာ ဝက်ခြံတွေဖြစ်လို့၊ ဆားဝက်ခြံတွေရှိနေလို့ ဟိုပစ္စည်းပြောင်းသုံးလိုက်၊ ဒီပစ္စည်းပြောင်းသုံးလိုက်နဲ့ Skincare ပစ္စည်းတွေလည်း နှံ့နေပြီလား။ Skincare ပစ္စည်းတွေသုံးတဲ့နေရာမှာလည်း သုံးချင်တိုင်းသုံးတာမဟုတ်ဘဲ ကိုယ့်အသားအရေပေါ်မူတည်ပြီး သုံးတာမျိုးက ပိုပြီးကောင်းပါတယ်။
ကဲ..ဒါဆိုရင် ကိုယ့်မျက်နှာပေါ်က အသားအရေပြဿနာတွေအတွက် အသုံးဝင်စေမယ့် အလှကုန်ပစ္စည်းတချို့ကို ပြန်လည်ဝေမျှပေးလိုက်ရပါတယ်နော်။
၁. COSRX Advanced Snail 96 Mucin Power Essence
Cosrx က ထုတ်လုပ်ထားတဲ့ Advanced Snail 96 Mucin Power Essence ထဲမှာ ခရုအဆီအချွဲ 96% ပါဝင်လို့ ချွဲချွဲပြစ်ပြစ်နဲ့ လိမ်းရတာခက်မယ်လို့ ထင်နေရင် မှားသွားပါလိမ့်မယ်။ စိမ့်ဝင်မှုမြန်ဆန်ပြီး စေးကပ်မှုလည်း လုံးဝမရှိပါဘူး။ အသားအရည်ကို Healing , Claming effect ရစေပါတယ်။
– Normal skin , Dry skin , Mature skin , Sensitive skin
၂. Paula’s Choice 2% BHA Liquid Exfoliant
Paula’s Choice 2% BHA Liquid Exfoliant မှာတော့ နာမည်အတိုင်းပဲ BHA 2% ပါဝင်တဲ့အတွက် မျက်နှာပေါ်မှာ ကပ်ညိနေတဲ့ အညစ်အကြေးတွေ၊ ဖုန်မှုန့်တွေကို ဖယ်ရှားပေးနိုင်ပါတယ်။ နောက်ပြီး သူ့မှာပါဝင်သေးတဲ့ Salicylic acid က ဝက်ခြံပေါက်လို့ မျက်နှာနီပြီး ရောင်ရဲနေတာတွေကို သက်သာစေပါတယ်။ ဝက်ခြံအတွက်သာမက ဆားဝက်ခြံနဲ့ ချွေးပေါက်ကျယ်တာတွေအတွက်ပါ အရမ်းအသုံးဝင်ပါတယ်။
– Normal to Oily or Combination Skin
၃. Garnier Micellar Cleansing Water
ဒီတစ်ခုကတော့ Budget ချွေတာချင်သူတို့အတွက် သင့်တော်ပါတယ်။ မျက်နှာပေါ်မှာ Makeup တွေလူးပြီးနောက် ကပ်ကျန်နေတဲ့ ဖုန်အညစ်ကြေးတွေကို Deep Cleansing လုပ်ပေးတဲ့အပြင် လုံးဝစေးကပ်ကပ်မဖြစ်ဘဲ Hydration ပေးနိုင်လို့ သုံးပြီးနောက်မှာ အသားခြောက်မသွားဘဲ အသားအရေက စိုစိုအိအိလေးဖြစ်စေပါတယ်။
– All Skin Types
၄. L’Oréal Paris Pure Clay Detox Mask
Pure clay detox mask ကတော့ Minerals တွေကြွယ်ဝစွာပါတဲ့ pure clay ၃ မျိုးနဲ့ charcoal ကို ပေါင်းပြီးထုတ်ထားလို့ ချွေးပေါက်ထဲက ရှိသမျှအညစ်အကြေးတွေနဲ့ အဆီပိုတွေကို သံလိုက်နဲ့စွဲလိုက်သလိုကို deep cleansing လုပ်ပေးတာမို့ အသားရေလေးက အညစ်ကြေးကင်းပြီး ကြည်လင်ဝင်းပစေပါတယ်။
– All Skin Types
၅. CeraVe SA Smoothing Cleanser
အဆီဖုနဲ့ ဝက်ခြံတွေက ဘယ်လိုမှမသက်သာလို့ စိတ်ညစ်နေရသူတို့အတွက် Cerave SA Smoothing Cleanser မှာ Salicylic acid ပါဝင်လို့ သိသိသာသာ သက်သာစေမှာပါ။ ဒါ့အပြင် Hyaluronic Acid ထည့်သွင်းထားလို့ အသားအရေကို ခြောက်သွေ့မသွားဘဲ စိုနေစေမှာဖြစ်ပါတယ်။ နောက်ပြီး Ceramide ပါဝင်လို့ အဖုတွေနဲ့ အသားအရေ နီမြန်ရောင်ရမ်းနေတာတွေကို သက်သာစေတယ်။
– Very dry, rough and bumpy skin
Source: BrightSide
