အခုပြောပြမယ့်လေ့ကျင့်ခန်းတွေက ကယ်လိုရီလောင်ကျွမ်းမှုများတဲ့အပြင် Resistance Band ရှိရုံနဲ့ လုပ်လို့ရတာမလို့ အိမ်မှာဘဲဖြစ်ဖြစ် ခရီးသွားတာပဲဖြစ်ဖြစ် နေရာမရွေးလုပ်လို့ရတာမလို့ အဆင်ပြေတဲ့လေ့ကျင့်ခန်းတွေပါ။
1. Banded Squats
Resistance Band ကို ခြေဖဝါးနှစ်ဖက်အောက်မှာထားပြီး ခြေထောက်နှစ်ဘက်ကို ခြားပြီး မတ်တပ်ရပ်ပါ။ အစွန်းနှစ်ဘက်ကိုကိုင်ပြီး ကြိုးကို လက်မောင်းအနောက်မှာထားပါ။ ဒူးကိုကွေး တင်ပါးကို နောက်ပြန်တွန်းပြီး ထိုင်ထအနေအထားတိုင်းထိုင်ပြီး ထိုင်ချပါ။ ပြီးမှ ခြေဖနောင့်ကို တွန်းပြီး ပြန်ထပါ။ အကြိမ် 12 မှ 15 အထိ 3 ကျော့လုပ်ပါ။
2. Side Step Squats
Resistance Band ကို ခြေကျင်းဝတ်တဝိုက်မှာထားပြီး ခြေဖဝါးကို တင်ပါးအနံအကွာတိုင်းထားပြီး မတ်တပ်ရပ်ပါ။ ဒူးနှစ်ဘက်ကို နည်းနည်းကွေးပြီး ညာဘက်ခြေထောက်ကို ညာဘက်ကို ခြေလှမ်းကျယ် ရွေ့လိုက်ပါ။ ဘယ်ဘက်ခြမ်းကိုလည်း ဒီအတိုင်း ပြန်လုပ်ပါ။ တစ်ဖက်စီကို အကြိမ် 10 မှ 12 အထိ 3 ကျော့လုပ်ပါ။
3. Banded Bicep Curls
Resistance Band ကို ခြေဖဝါးနှစ်ဖက်အောက်မှာထားပြီး ခြေထောက်နှစ်ဘက်ကို ခြားပြီး မတ်တပ်ရပ်ပါ။ လက်ကိုင်တွေကို ကိုင်ထားပြီး ကြိုးတွေကို ပခုံးဆီ ဆွဲတင်ပါ။ တံတောင်ဆစ်တွေကို ခန္ဓာကိုယ်နဲ့ကပ်ထားပါ။ ပြီးမှ ဖြည်းဖြည်းချင်း ပြန်လျှော့ပါ။ အကြိမ် 12 မှ 15 အထိ 3 ကျော့လုပ်ပါ။
4. Banded Glute Bridges
အရင်ဆုံး Map ပေါ်မှာ လှဲလိုက်ပါ။ Resistance Band ကို ဒူးအထက်မှာထားပြီး ဒူးကိုကွေးထားပါ။ ခြေဖဝါးကို ကြမ်းပြင်မှာ တင်ပါးအကွာအတိုင်း ခွာထားပါ။ မျက်နှာကျက်ဆီ တင်ပါးကိုပင့်တင်တဲ့အခါ အပေါ်ဘက်မှာခနထားပြီးမှ အောက်ပြန်လျှော့ပါ။ အကြိမ် 12 မှ 15 အထိ 3 ကျော့လုပ်ပါ။
