ပရိုတိန်းလို့ ခေါ်တဲ့ အသားဓါတ်ဟာ နေ့စဉ် အစားအသောက်ထဲမှာ မပါမဖြစ် ပါဝင်သင့်တဲ့ ဓါတ်တစ်မျိုးပါ။ များသောအားဖြင့် ပရိုတိန်းကို အသားငါးတွေ စားပေးရင် လုံလောက်ပါတယ်။ တကယ်လို့ သင်က အသားငါး မစားတဲ့ သက်သတ်လွတ်သမားတစ်ယောက်ဆိုရင်တော့ ပရိုတိန်းဓါတ်ပြည့်ဝဖို့ အခုပြောမယ့် အသီးအနှံတွေ စားပေးသင့်ပါတယ်။

(၁) ဂျုံဂလူတင်

seitan

Photo: Freepik

သက်သတ်လွတ် ဂျုံအသားပေါင်းတစ်မျိုးဖြစ်တဲ့ Seitan ဟာ အသီးအရွက်စားသူများအတွက် ပရိုတိန်းပေါကြွယ်ဝတဲ့ အသီးအနှံအဖြစ် နာမည်ကြီးပါတယ်။ ဂျုံမှာပါတဲ့ ပရိုတိန်းအရင်းအမြစ် Gluten ကနေ ထုတ်လုပ်ထားတာပါ။ ထူးခြားတာက အသားနဲ့ ဆင်ပြီး ပိုနူးညံ့ပါတယ်။ Wheat Meat ဂျုံအသားပေါင်းလို့လည်း ခေါ်ပါတယ်။ Seitan ဂရမ် ၁၀၀ မှာ ပရိုတိန်း ၂၅ ဂရမ် ပါဝင်ပါတယ်။

(၂) ပဲနီလေး

Organic Split Red Lentils

Photo: Freepik

ပဲနီလေး လက်ဖက်ရည်သောက်ပန်းကန်တစ်ဝက်မှာ ပရိုတိန်း ၉ ဂရမ် အထိ ပါပါတယ်။ ပဲအမျိုးမျိုးဟာ ပရိုတိန်းကြွယ်ဝတဲ့ အစားအစာတွေအဖြစ် လူသိများကြပါတယ်။ ဒါ့ကြောင့် အသားရှောင်သူတွေဟာ ပဲနီလေးကို နေ့စဉ် စားပေးနိုင်ပါတယ်။

(၃) ကုလားပဲ

chickpeas beans

Photo: Freepik

ကုလားပဲဟာ သံဓါတ် ၊ ဖောစဖောရပ်စ်ဓါတ် ၊ ပရိုတိန်းနဲ့ ကျန်းမာတဲ့ ဖက်တီးအက်ဆစ်တွေ ပါဝင်ပါတယ်။ ပရိုတိန်းမြင့်မားတဲ့ အစားအစာဖြစ်လို့ အားကစားလုပ်သူတွေလည်း ကုလားပဲကို အမျိုးမျိုး ချက်ပြုတ်ကြော်လှော်စားသုံးသင့်ပါတယ်။

(၄) အစေ့အဆံများ

Walnut platter spilled out of the cup on the background of cloth from burlap

Photo: Freepik

အစေ့အဆံမျိုးမျိုးဟာ ပရိုတိန်းတင် မဟုတ်ဘဲ နှလုံးကျန်းမာရေးအတွက်ပါ ကောင်းတဲ့ အစားအစာ ဖြစ်ပါတယ်။ သီဟိုဠ်စေ့ ၊ ဗာဒံစေ့ ၊ သစ်ကြားစေ့ စတဲ့ အစေ့အဆံတွေကိုလည်း ပရိုတိန်းဓါတ်ပြည့်ဝဖို့ စားပေးဖို့ လိုပါတယ်။