ပါးစပ်နားမှာ တော်တော်များများက မဲပြီး အမဲရောင်အကွင်းလိုမျိုးလေး ဖြစ်နေတတ်ပါတယ်။ တချို့ကျတော့ မသိသာပေမယ့် တချို့ကျတော့ အရမ်းထင်းပြီး သိသာပါတယ်။ ဒီလို အမဲအကွင်းလိုမျိုးဖြစ်နေတာကို မကြိုက်ဘူးဆိုတဲ့သူတွေအတွက် ပါးသွားပြီးတော့ တစ်ဖြေးဖြေးနဲ့ အသားအရောင် တစ်ပြေးထဲဖြစ်ပြီး ညီလာအောင် လုပ်ပေးနိုင်မယ့် သဘာဝနည်းလမ်းကောင်းတွေကို မျှဝေပေးလိုက်ပါတယ်။ ဒီထဲကမှ ကိုယ်အဆင်ပြေရာတစ်မျိုးကို ရွေးချယ်ပြီး နေ့တိုင်းပုံမှန်လုပ်ပေးသွားမယ်ဆိုရင်တော့ သိသာတဲ့ result ကို ရရှိလာမှာပါ။
အာလူးအရည်
အာလူးကိုခြစ်ပြီး အဝတ်ထဲထည့်ကာ အရည်ရအောင်ညှစ်ချပါ။ ရလာတဲ့အရည်ကိုမှ ပါးစပ်နားက မဲနေတဲ့နေရာကို သေချာပွတ်လိမ်းပေးပြီး မိနစ် ၂၀ ထားပါ။ အချိန်ပြည့်ရင်တော့ ရေခဲရေနဲ့ ဆေးချလိုက်ရုံပါပဲ။
ပျားရည်နဲ့သံပယိုရည်
ပျားရည်နဲ့သံပယိုရည်ကို ဆတူရောပြီး မဲနေတဲ့ပါးစပ်နားတစ်ဝိုက်မှာ လိမ်းပေးပြီး မိနစ် ၂၀ ထားပါ။ အချိန်ပြည့်ရင်တော့ ရေဆေးချလိုက်ရုံပါပဲ။
ဒိန်ချဉ်နဲ့လိမ္မော်သီးအခွံ
လိမ္မော်သီးအခွံတွေကို အမှုန့်ဖြစ်အောင်ကြိတ်ပြီး ရလာတဲ့အမှုန့်တွေကို လက်ဖက်ရည်ဇွန်း ၂ ဇွန်းစာယူပြီး ဒိန်ချဉ် – လက်ဖက်ရည်ဇွန်း ၂ ဇွန်းနဲ့ ရောမွှေပါ။ ပြီးရင်တော့ ပါးစပ်နား၊ နှုတ်ခမ်းနားတစ်ဝိုက် မဲနေတဲ့နေရာကို သေချာပွတ်လိမ်းပေးပြီး ၅ မိနစ်ထားပါ။ အချိန်ပြည့်ရင်တော့ ရေဆေးချလိုက်ရုံပါပဲ။
အုတ်ဂျုံ
အုတ်ဂျုံ- လက်ဖက်ရည်ဇွန်းတစ်ဇွန်းကို ရေနည်းနည်းနဲ့ ပျစ်ပျစ်လေးဖြစ်သွားအောင် ရောမွှေပေးပါ။ ပြီးရင်တော့ မဲနေတဲ့ ပါးစပ်နား၊ နှုတ်ခမ်းနားတစ်ဝိုက်ကို လိမ်းပေးပြီး ၁၅ မိနစ်ထားပါ။ အချိန်ပြည့်ရင် လက်နဲ့ ဖြေးဖြေးချင်းပွတ်ပေးပြီး ရေဆေးချပါ။
