လက်သည်းအားနည်းပြီး ကျိုးပဲ့လွယ်တဲ့သူတွေအတွက် အကောင်းဆုံးသဘာဝနည်းလမ်းများ

လက်သည်းအားနည်းပြီး ကျိုးပဲ့လွယ်တဲ့သူတွေအတွက် healthy nails လေးတွေ ပြန်လည်ရရှိလာစေမယ့် အကောင်းဆုံး သဘာဝနည်းလမ်းတွေကို မျှဝေပေးလိုက်ပါတယ်။ ဒီနည်းလမ်းတွေထဲကမှ ကိုယ်အဆင်ပြေရာကို ရွေးချယ်ပြီး ပုံမှန်လုပ်ပေးမယ်ဆိုရင်တော့ healthy nails လေးတွေကို ရရှိမှာပါ။

Vitamin E

Vitamin E ကို လက်သည်းနဲ့ လက်သည်းဘေး ပတ်ပတ်လည်မှာ လိမ်းပေးမယ်ဆိုရင် လက်သည်းပျက်စီးတာ၊ ကျိုးပဲ့တာ၊ လက်ဆွယ်ငုတ်တာတွေ သက်သာစေပြီး healthy nails ကို ရရှိစေပါတယ်။

အုန်းဆီ

အုန်းဆီကို နွေးနွေးလေးဖြစ်အောင် အပူပေးပါ။ ပြီးရင် လက်သည်းနဲ့ လက်သည်းနားတစ်ဝိုက် အသားအရေကို လိမ်းပေးပြီး လက်ချောင်းလေးတွေနဲ့ massage လုပ် နှိပ်မယ်ပေးပါ။ ဒီလိုလုပ်ပေးခြင်းက လက်သည်းပျက်စီးနေတာတွေနဲ့ မှိုစွဲတာတွေကို သက်သာစေပါတယ်။

Apple cider vinegar

Apple cider vinegar – စားပွဲတင်ဇွန်းတစ်ဇွန်းကို ရေနွေးနဲ့ရောပြီး အဲ့ထဲကို လက်သည်းထည့်စိမ်တာပဲဖြစ်ဖြစ်၊ ဂွမ်းတံလေးနဲ့ယူပြီး လက်သည်းတွေကို ပွတ်ပေးတာပဲဖြစ်ဖြစ် လုပ်ပေးလို့ရပါတယ်။ တစ်နေ့ကို ၂ ကြိမ်၊ ၃ ကြိမ် လုပ်ပေးနိုင်ပါတယ်။ ဒီနည်းလမ်းကတော့ လက်သည်းအရှည်မြန်စေပြီး အသားမာတွေ နူးညံ့သွားစေပါတယ်။

သံပယိုရည်

သံပယိုသီးကို တစ်ခြမ်းခြမ်းပြီး အရည်ညှစ်ပါ။ ပြီးရင် ရေနွေးတစ်ခွက်နဲ့ ရောမွှေပြီး အဲ့ထဲကို လက်သည်းလေးတွေ ထည့်စိမ်ထားပေးပါ။ ၅ မိနစ်၊ ၁၀ မိနစ်လောက် စိမ်ပေးရုံပါပဲ။ ဒီနည်းလမ်းကတော့ လက်သည်းသန်မာစေပြီး လက်သည်းဝါညစ်တာ သက်သာစေပါတယ်။

ကြက်ဥအနှစ်နဲ့ပျားရည်

ကြက်ဥတစ်လုံးကိုဖောက်ပြီး အကာကိုဖယ်ကာ အနှစ်ပဲယူပါမယ်။ ကြက်ဥအနှစ်နဲ့ ပျားရည် – လက်ဖက်ရည်ဇွန်းတစ်ဝက်ကို ရောခလောက်ပြီး လက်သည်းမှာ ပွတ်လိမ်းထားပါ။ ၁၅ မိနစ်ကြာမှ ရေဆေးချပါ။ ဒီနည်းလမ်းကတော့ လက်သည်းကျိုးပဲ့ ပျက်စီးတာတွေ သက်သာစေပြီး လက်သည်းအတွက်လိုအပ်တဲ့ အာဟာရဓာတ်ကို ရစေပါတယ်။ အသားမာတွေလည်း နူးညံ့သွားစေပါတယ်။

Jojoba oil

Jojoba oil ကို လက်သည်းနဲ့ လက်သည်းပတ်ပတ်လည် လိမ်းပေးပြီး ၃ မိနစ်လောက် massage လုပ် နှိပ်နယ်ပေးပါ။ ဒီလိုလုပ်ပေးခြင်းက လက်သည်းသန်စွမ်းစေပြီး လက်သည်းထူစေပါတယ်။