သင်က လက်ရှိ သူငယ်ချင်းနဲ့ မတွေ့ဖြစ်ဘဲ အိမ်မှာ ရှိနေရင်တောင် သူငယ်ချင်းနဲ့ လိုင်းပေါ်ကနေ ဗီဒီယိုအတူ ကြည့်နိုင်ပါသေးတယ်။ သူငယ်ချင်းနဲ့ တွေ့ဖြစ်တယ်ဆိုရင်လည်း ခင်မင်မှုကို ပိုတန်ဖိုးထားတတ်စေမယ့် ဇာတ်လမ်းတွေ ကြည့်ပေးနိုင်ပါတယ်။ သင်အောက်ဖော်ပြပါ ဇာတ်လမ်းတွေ ကြည့်ပြီးရင်တော့ သူငယ်ချင်းတွေရဲ့ တန်ဖိုးကို ပိုနားလည်လာပါလိမ့်မယ်။ ဇာတ်လမ်းကြည့်ပြီးနောက် သူငယ်ချင်းတွေကို ပြန်ပြီး သတိရလာပါလိမ့်မယ်။ ဘယ်ဇာတ်လမ်းတွေ ဖြစ်မလဲ ကြည့်လိုက်ရအောင်နော်-

၁။ Friends Series 1994

Photo Source: Pinterest

American Sitcom Series ဖြစ်တဲ့ “Friends” ဟာသကားက Season ပေါင်း ၁၀ ခု ရှိပါတယ်။ ဒီဇာတ်လမ်းကိုကြည့်ပြီးနောက် “I’ll be there for you” ဆိုတဲ့ စကားအတိုင်း တစ်ယောက်အတွက် တစ်ယောက် အမြဲရှိနေမယ့် သူငယ်ချင်းသံယောဇဉ်ကို ကျိန်းသေပေါက် မြင်လာမှာပါ။

၂။ The Perks of Being a Wallflower (2012)

Charlie (Logan Lerman) က ကျောင်းအသစ်မှာ နေသားတကျဖြစ်ဖို့ ခက်ခဲနေတဲ့ ကျောင်းသားတစ်ဦး ဖြစ်ပါတယ်။ ဒါပေမဲ့ Patrick (Ezra Miller) နဲ့ Sam (Emma Watson)တို့ကို တွေ့ပြီးနောက်မှာတော့ Charlie ရဲ့ သဘောထားတွေ ပြောင်းလဲသွားခဲ့ပါတယ်။

၃။ Romy and Michele’s High School Reunion (1997)

ဒီဟာသဇာတ်လမ်းက နည်းနည်းရှုပ်ပေမယ့် Romy (Mira Sorvino) နဲ့ Michele (Lisa Kudrow) ကြားက သူငယ်ချင်းသံယောဇဉ်ကို ချစ်စဖွယ်တွေ့မြင်ရမှာပါ။ ကျောင်းကတည်းက သိခဲ့တဲ့ သူငယ်ချင်းနှစ်ယောက်က ကျောင်းသားစုံညီပွဲမှာ ချမ်းသာချင်ယောင်ဆောင်တဲ့ အဖြစ်ကို ဟာသနှောပြီး ကြည့်ရမှာပါ။

၄။ Aquamarine (2006)

Photo Source: Pinterest

ရေသူမလေး Aquamarine နဲ့ သူငယ်ချင်းတွေ ဖြစ်သွားကြတဲ့ Hailey နဲ့ Claire ကြားထဲက သူငယ်ချင်း အချစ်ကို တွေ့ရမှာပါ။ အချစ်စစ်နဲ့မတွေ့ရင် မိဘသဘောတူတဲ့ ရေမကောင်းဆိုးဝါးကြီးနဲ့ လက်ထပ်ရတော့မယ့် Aquamarine ကို အချစ်စစ်နဲ့ တွေ့ရဖို့ ကူညီပေးတဲ့ Hailey နဲ့ Claire ရဲ့ သူငယ်ချင်းမေတ္တာကို တွေ့ရမှာပါ။

၅။ Me and Earl and the Dying Girl (2015)

ဇာတ်လမ်းခေါင်းစဉ်က ဝမ်းနည်းစရာကောင်းပေမယ့် ချစ်စရာကောင်းတဲ့ ဇာတ်လမ်းတစ်ပုဒ်ပါ။ Greg (Thomas Mann) ကို သူ့မိခင်က Leukemia ဝေဒနာရှင် မိန်းကလေးကို သူငယ်ချင်းဖြစ်အောင် နေပေးဖို့ တွန်းအားပေးတာက ဇာတ်လမ်းစပါတယ်။

၆။ Bridesmaids (2011)

ဒီဇာတ်ကားက သင့်သူငယ်ချင်းနဲ့ ပျော်ပျော်ပါးပါး ကြည့်နိုင်မယ့် ဟာသကားတစ်ကား ဖြစ်ပါတယ်။ ငယ်သူငယ်ချင်းနှစ်ယောက်ရဲ့ လက်မထပ်ခင် သတို့သမီးအရံ လုပ်ခိုင်းတာကနေ ပေါ့ပေါ့ပါးပါး ကြည့်သွားရမယ့် ဇာတ်လမ်း ဖြစ်ပါတယ်။

Photo Source: buzzfeed.com

By MyStyle Myanmar