ရေဓာတ်အပြည့်အဝ ဖြည့်တင်းပေးနိုင်တဲ့ Eye Cream အမျိုးအစားများ

ဘယ်လိုအချိန်မျိုးတွင် မျက်လုံးတဝိုက်၌ အရေးအကြောင်းများ ဖြစ်ပေါ်ခြင်း၊ မျက်ကွင်းညိုခြင်း အစရှိတဲ့ အသားအရေပြဿနာများကို ကြုံတွေ့ရနိုင်ပါသလဲ။

ညဘက်တွင် အိပ်ရေးမဝတဲ့အခါ (သို့) အသက်အရွယ်တဖြည်းဖြည်းကြီးရင့်လာပြီး ဇရာက စကားပြောလာတဲ့အခါ (သို့) မျက်လုံးအသားအရေတဝိုက်တွင် ရေဓာတ်ခမ်းခြောက်သွားတဲ့အခါ အရေးအကြောင်းထခြင်း၊ မျက်ကွင်းညိုခြင်းတို့ကို ခံစားရတတ်ပါတယ်။

ဒီလိုအသားအရေပြဿနာများ ကြုံတွေ့လာရတဲ့အခါ ပြုလုပ်သင့်တဲ့ အကောင်းဆုံး နည်းလမ်းတစ်ခုကတော့ ရေဓာတ်ကို အပြည့်အဝ ပြန်လည်ဖြည့်တင်းပေးမယ့် Eye Cream များ အသုံးပြုခြင်းပဲ ဖြစ်ပါတယ်။

ဈေးကွက်ထဲမှာလည်း ရွေးချယ်စရာ Eye Cream အများအပြား ရှိတဲ့အတွက်ကြောင့် ကိုယ့်စိတ်ကြိုက်ရွေးချယ်ဝယ်ယူကာ အသုံးပြုနိုင်ပါတယ်။ ဒါဆိုရင် ဘယ်လို Eye Cream မျိုးက ရေဓာတ်အပြည့်အဝဖြည့်တင်းပေးနိုင်သလဲဆိုတာကို အတူတူဆက်လေ့လာကြည့်လိုက်ရအောင်။

Lancôme Absolute Revitalizing Eye Cream

နှင်းဆီပန်းရဲ့ အဆီအနှစ်တွေနဲ့ပြုလုပ်ထားလို့ မျက်လုံးအနီးတဝိုက်မှာရှိတဲ့ အရေးအကြောင်းများ၊ မျက်အိတ်တွဲတာ၊ မျက်အိတ်ဖောင်းတာ၊ မျက်ကွင်းညိုတာတွေကို သိသိသာသာ လျော့ချပေးပြီး မျက်လုံးတစ်ဝိုက်အသားအရေကို သိသိသာသာပြန်လည် တင်းရင်းစေပါတယ်။ တစ်ပတ်အကြာမှာ မျက်လုံးအောက်ကအရေပြားကို ဆွဲဆန့်လိုက်သလို သိသိသာသာ တင်းရင်းလာတာကို ခံစားရမှာဖြစ်ပါတယ်။

Bobbi Brown Hydrating Eye Cream

ဒီတံဆိပ်သည်လည်း ဈေးကွက်ထဲမှာ တော်တော်လေးနာမည်ရနေတဲ့ တံဆိပ်တစ်ခုပဲဖြစ်ပါတယ်။ Jojoba Seed & Avocado Oil ပါဝင်မှုကြောင့် မျက်လုံးနားတဝိုက် ရေဓာတ်ဖြည့်ပေးပြီး Fine Lines & Wrinkles တွေကို လျော့ချပေးပါတယ်။

Hydrating Cream မို့ Sensitive Skin သမားတွေပါ သုံးလို့ရပါတယ်။ Hyaluronic Acid နဲ့ Shea Butter တွေပါတဲ့အတွက် တစ်နေကုန် အစိုဓာတ်အပြည့်နဲ့ Moisture ကို ထိန်းပေးထားမှာပါ။

RoC Retinol Correxion Eye Cream

Advanced retinol ပါလို့ Fine Lines, Dark Circles & Puffiness ကို သိသိသာသာ လျော့ကျစေပြီး 4 weeks သုံးပြီးတာနဲ့ အရေးအကြောင်းတွေ သိသိသာသာ လျော့လာမှာပါ။

ဒီ Eye cream က US မှာ အရမ်းလူကြိုက်များလို့ စျေးတော့ရှိပါတယ်။

Cerave Eye Repair Cream

Marine & Botanical Complex တွေ ပါဝင်လို့ မျက်ကွင်းညိုတာနဲ့ မျက်အိတ်ဖောင်းတာက်ို သက်သာစေပြီး အသားအရောင် တောက်ပလာစေတာဖြစ်ပါတယ်။ အသားအရေအမျိုးအစား အားလုံးသုံးလို့ရပြီးတော့ Moisture အပြည့်အဝဖြည့်ပေးပြီး Skin Barrier ကို ပြန်လည်ကောင်းမွန်လာအောင် ထိန်းသိမ်းပေးပါတယ်။

Bioderma Sensibio Gel Eye Contour

အသားအရေက Sensitive ဖြစ်တတ်လို့ ကိုယ်နဲ့သင့်တော်မယ့် Eye Cream ရှာနေသူတွေအဖို့ Bioderma ရဲ့ Sensibio Gel Eye Contour လေးကို သုံးနိုင်ပါတယ်။

သူ့မှာပါဝင်တဲ့ Toleridine Patent က ရောင်ရမ်းမှုတွေကို တားဆီးပေးလို့ အရေပြားတုံ့ပြန်မှုအားနည်းအောင် ပြုလုပ်ပေးပါတယ်။ နောက်ပြီး ကဖင်းဓာတ်ကလည်း မျက်အိတ်ဖောင်းတာတွေကို သက်သာစေပါတယ်။

Neutrogena Hydro Boost Eye Gel-Cream

မျက်ဝန်းတဝိုက် အရေးကြောင်းဖြစ်နေတာတွေ မျက်ကွင်းညို၊ မျက်အိတ်ဖောင်းတာတွေကို သိသိသာသာ ပျောက်ကင်းစေပါတယ်။ Gel-cream formula လေးမို့ လိမ်းလိုက်တာနဲ့အေးပြီး စိမ့်ဝင်လွယ်လို့ သက်သောင့်သက်သာရှိစေပါတယ်။

Hyaluronic acid နဲ့ အဓိကထားပြီး ထုတ်လုပ်ထားလို့ 24hrs‌ ရေဓာတ်ပြည့်ဝစေတာမို့ မျက်ဝန်းတဝိုက်ရေဓာတ်နည်းပြီး အရေးကြောင်းဖြစ်တာတွေ သိသိသာသာပျောက်ကင်းစေပါတယ်။

Estée Lauder Advanced Night Repair Eye Gel-Cream

Estée Lauder ရဲ့ အသစ်ထွက်တဲ့ Eye Gel Cream က မျက်လုံးအောက်က အရေးအ​ကြောင်းတွေကို ၁ ပါတ်နဲ့ လျော့ပါးသက်သာစေပါတယ်။ Hyaluronic Acid ပါဝင်တာမို့ ၂၄ နာရီကြာ ရေဓါတ်ဖြည့်ပေးပါတယ်။ နောက်ပြီး Gel Cream ဖြစ်တဲ့အတွက် All Skin Type အသုံးပြုလို့ရပါတယ်။