အခုနောက်ပိုင်း ခေတ်ပြိုင် သို့မဟုတ် ခေတ်သစ်အချစ်ဇာတ်လမ်းတွေက တရုတ်ဒရာမာချစ်သူတွေကြားမှာ ရေပန်းအစားဆုံးဖြစ်နေတာမလို့ Netflix မှာလည်းကြည့်လို့ရတဲ့ နာမည်ကြီး Romance Chinese Dramas တချို့နဲ့ မိတ်ဆက်ပေးချင်ပါတယ်။
Amidst a Snowstorm of Love (2024)
2024 မှာ ရေပန်းအစားဆုံးဒရမ်မာတွေထဲက တစ်ခုဖြစ်တဲ့ ဒီဇာတ်လမ်းက အငြိမ်းစားစနူကာပါရမီရှင် Lin Yiyang (Leo Wu) နဲ့ ပရော်ဖက်ရှင်နယ်ဘောလုံးကိုးလုံးကစားသမား Yin Guo (Zhao Jinmai) တို့ရဲ့ အချစ်ဇာတ်လမ်းကို ရိုက်ထားတာပါ။
Put Your Head on My Shoulder (2019)
ဒီဒရာမာကတော့ Situ Mo (Xing Fei) နဲ့ Gu Weiyi (Lin Yi) တို့နှစ်ယောက် အစကမတည့်ပေမယ့် အတူတူနေရင်း အမုန်းတွေကနေ အချစ်အဖြစ် ပြောင်းလဲသွားတဲ့ သူတို့နှစ်ယောက်ရဲ့ အချစ်ဇာတ်လမ်းကို ဇာတ်အိမ်တည်ထားပါတယ်။
Hidden Love (2023)
နာမည်ကျော်သရုပ်ဆောင်များဖြစ်သည့် Zhao Lusi နဲ့ Chen Zheyuan တို့ ပါဝင်သရုပ်ဆောင်ထားတဲ့ ဒီဇာတ်လမ်းကတော့ အစ်ကိုဖြစ်သူရဲ့ သူငယ်ချင်းကိုမှ သဘောကျသွားတဲ့ ကောင်မလေးတစ်ယောက်နဲ့ သူငယ်ချင်းညီမလေးကို ချစ်မိသွားတဲ့ ကောင်လေးတို့ရဲ့ဇာတ်လမ်းလေးပါ။
When I Fly Towards You (2023)
အထက်တန်းကျောင်းအသစ်ကို ပြောင်းလာတဲ့ ကောင်မလေး Su Zai Zai တစ်ယောက် ကျောင်းနေဘက်သူငယ်ချင်း Zhang Lu Rang တို့ရဲ့ အချစ်ဇာတ်လမ်းလေးက ကြည့်သူတွေကို ပျော်စရာကောင်းတဲ့ကျောင်းသားဘဝကိုပါ ပြန်အမှတ်ရစေမှာသေချာပါတယ်။
A Love So Beautiful (2017)
ဒီဇာတ်လမ်းလေးကတော့ Chen Xiaoxi လို့ခေါ်တဲ့ကောင်မလေးတစ်ယောက် တိတ်တိတ်လေး သဘောကျမိနေတဲ့ သူမနဲ့အကျင့်စရိုက်လုံးဝမတူတဲ့ အတန်းဖော် Jiang Chen တို့နှစ်ယောက် ဘဝတစ်လျှောက်လုံး တစ်ယောက်ကိုတစ်ယောက် ချစ်မိသွားတဲ့အခါ ဖြစ်လာတဲ့အချစ်တွေကို ဖော်ကျူးထားတာပါ။
