အားလုံးသိကြတဲ့အတိုင်းပဲ ကိုရီးယားဒရမ်မာဇာတ်လမ်းတွဲတွေက Genre တွေအစုံနဲ့ အများကြီးရှိပါတယ်နော်။ ဒီထဲကမှ ကိုယ်နှစ်သက်တဲ့ အမျိုးအစားကို ရွေးချယ်ပြီးတော့လည်း ကြည့်ရှုနိုင်ဖို့အတွက်က မရှားပါးလှပါဘူး။
မိသားစုဇာတ်လမ်းတွဲလား၊ သရဲ သို့မဟုတ် သွေးစုပ်ဖုတ်ကောင်ပါတာလား၊ နန်းတွင်းခေတ်လား စသဖြင့် မရိုးရလေအောင် ဇာတ်လမ်းကျောရိုးတွေကလည်း စုံလင်လှပါတယ်။
အချစ်ဇာတ်လမ်းတွဲတွေဆိုလည်း များလွန်းလို့ ကြည့်ရတာ တစ်ခါတစ်လေဆို တချို့သူတွေအတွက် ရိုးတောင်ရိုးလာနိင်ပါတယ်နော်။ အခုတစ်ခေါက်မှာတော့ အချစ်ဇာတ်လမ်းတွဲလည်း လက်မလွှတ်ချင်သေးဘူး ဇာတ်အိမ်လေးလည်း ပိုကောင်းအောင်လို့ သရဲပါတဲ့ ဇာတ်အိမ်တည်ပြီး ရိုက်ကူးထားတဲ့ ကိုရီးယားဇာတ်လမ်းတွဲလေးတွေကို ရွေးနုတ်ဖော်ပြပေးသွားပါမယ်။
Master Sun
Master Sun ဇာတ်လမ်းတွဲကတော့ ကိုရီးယားနိုင်ငံမှာသာမက ကမ္ဘာတစ်ဝှမ်းမှာပါ တော်တော်လေး ပေါက်ခဲ့တဲ့ ဇာတ်လမ်းတွဲတစ်ခုလည်းဖြစ်ပါတယ်။ မင်းသား So Ji Sub မင်းသမီး Gong Hyo Jin တို့ ပါဝင်သရုပ်ဆောင်ထားကြပါတယ်။
Oh my Ghost
ဒီဇာတ်လမ်းတွဲလေးကတော့ အချစ်၊ ဟာသ၊ အဆွေး စတဲ့ Genre အစုံကို တစ်နေရာတည်းမှာ ကြည့်ရှုချင်သူတွေအတွက်တော့ ညွှန်းပေးချင်တဲ့ ဇာတ်ကားကောင်းတစ်ကားပါ။ ဒီဇာတ်လမ်းတွဲလေးထဲမှာတော့ မင်းသား Jo Jung Suk, မင်းသမီး Park Bo Young တို့ ပါဝင်သရုပ်ဆောင်ထားကြပါတယ်။
Let’s fight Ghost
၂၀၁၆ ခုနှစ်တုန်းက tvN ကနေ ထုတ်လွှင့်ခဲ့ပြီး အောင်မြင်မှု တော်တော်လေးရခဲ့တဲ့ ဇာတ်လမ်းတွဲကောင်းတစ်ခုဖြစ်ပါတယ်။ ဒီဇာတ်လမ်းလေးမှာတော့ မင်းသား Ok Taec Yeon မင်းသမီး Kim So Hyun တို့က လိုက်ဖက်ညီညီနဲ့ သရုပ်ဆောင်ထားကြပြီး တစ်ကားလုံးကို မကောင်းတဲ့နေရာမရှိပါဘူး။
Arang and the Magistrate
ဒီဇာတ်လမ်းတွဲကတော့ ၂၀၁၂ ခုနှစ်တုန်းက ထွက်ရှိခဲ့တာဆိုတော့ နည်းနည်းတော့ကြာနေပါပြီ။ ဒါပေမယ့် ဟောင်းသွားလည်း ဘယ်တော့မှရိုးမသွားမယ့် ဇာတ်လမ်းတွဲတစ်ခုဆိုလည်း မမှားပါဘူး။ မင်းသား Lee Joon Gi မင်းသမီး Shin Minah တို့ ပါဝင်သရုပ်ဆောင်ထားကြပါတယ်။
Who are you?
မင်းသား Ok Taec Yeon မင်းသမီး So Yi-hyun နဲ့ မင်းသား Kim Jae-wook တို့ ပါဝင်သရုပ်ဆောင်ထားကြတဲ့ Who are you ဇာတ်လမ်းတွဲကတော့ ငိုရမယ့်ကားလေးပါ။ ဇာတ်လမ်းအကျဥ်းချုံးပြောရင် အကုန်သိသွားမှာစိုးလို့ သေချာပေါက်ကြည့်ကြည့်လိုက်ကြပါနော်။
