ကိုရီးယားဇာတ်လမ်းတွဲတွေကြည့်ကြတဲ့အခါ လူအများသတိထားမိတဲ့အရာတွေထဲမှာမှ ဇာတ်လမ်းအရသာကို ပိုပြီးကောင်းစေတာကတော့ နောက်ခံတေးသီချင်း OST တွေပဲဖြစ်ပါတယ်။ ကိုရီးယားဘာသာစကားကို မိခင်ဘာသာစကားသီချင်းတွေလိုမျိုး နားတော့မလည်ပေမယ့်လည်း သံစဥ်လေးတွေကို သဘောကျလို့ နားထောင်ကြတာပါပဲ။
အခုတစ်ခါ တေးဂီတကဏ္ဍမှာ ဖော်ပြပေးချင်တာကတော့ ကိုရီးယားဇာတ်ဝင်တေး OST တွေ အများကြီးထဲကမှ လူကြိုက်အများဆုံးဖြစ်တဲ့ OST သီချင်းတချို့ကို ပရိသတ်တွေအတွက် မျှဝေပေးလိုက်ပါတယ်။
Even If I Die, It’s You
လူကြိုက်အများဆုံး OST Song တွေထဲက ပထမဆုံးတေးသီချင်းကတော့ မိန်းကလေးယောကျ်ားလေး အားလုံးအရူးအမူးအားပေးနေတဲ့ BTS အဖွဲ့က V နဲ့ Jin တို့သီဆိုထားတဲ့ Even If I Die, It’s You ပဲဖြစ်ပါတယ်။ V ရဲ့ ပွဲဦးထွက်အနေနဲ့ ပါဝင်သရုပ်ဆောင်ထားတဲ့ Hwarang ဇာတ်ကားရဲ့ ဇာတ်ဝင်တေးဖြစ်ပါတယ်။
Stay With Me
လူကြိုက်အများဆုံး OST Song တွေထဲမှာတော့ Stay With Me က ထိပ်ဆုံးကပါပါတယ်။ Goblin ဇာတ်ကားရဲ့ အဓိက ဇာတ်ဝင်တေးဖြစ်ပြီး Punch နဲ့အတူ Chanyeol (Exo) တို့က ပါဝင်သီဆိုပေးထားပါတယ်။
My Destiny
Source: KissAsian
နောက်ထပ်လူကြိုက်အများဆုံး OST Song ကတော့ My Love from the Star ဇာတ်ကားရဲ့ ဇာတ်ဝင်တေးတစ်ခုဖြစ်တဲ့ My Destiny ပါ။ ဒီ OST Song ကိုတော့ Lyn က သီဆိုထားပါတယ်။
You are My Everything
Source: SBS
Descendants of the Sun ဇာတ်ကားရဲ့ OST Song ဖြစ်တဲ့ You are My Everything သီချင်းကိုတော့ Gummy က သီဆိုပေးထားတာပါ။ ဒီသီချင်းလေးက အေးအေးလေးနဲ့မို့ အရမ်းကို လူကြိုက်များပါတယ်။
For You
Source: Viki
နောက်ထပ်လူကြိုက်အများဆုံး OST Song ကတော့ Moon Lovers: Scarlet Heart Ryeo ဇာတ်ကားရဲ့ ဇာတ်ဝင်တေးတစ်ခုဖြစ်တဲ့ For You ပါ။ ဒီ OST Song ကိုတော့ EXO အဖွဲ့ဝင်တွေဖြစ်တဲ့ Chen, Baekhyun နဲ့ Xiumin တို့က သီဆိုထားပါတယ်။
Beautiful
Source: Channel-Korea
Goblin ဇာတ်ကားရဲ့ နောက်ထပ်ဇာတ်ဝင်တေးဖြစ်တဲ့ Beautiful ဆိုတဲ့ OST Song ကိုတော့ Crush က သီဆိုပေးထားပါတယ်။ ဒီသီချင်းလေးကလည်း Goblin ပရိသတ်တွေရဲ့ အကြိုက်ဆုံး သီချင်းတစ်ပုဒ်ပါပဲ။
Say Yes
Moon Lovers: Scarlet Heart Ryeo ဇာတ်ကားရဲ့ နောက်ထပ်လူကြိုက်အများဆုံး OST Song ကတော့ Punch နဲ့အတူ Loco တို့က သီဆိုထားတဲ့ Say Yes ပါ။
EEverytime
You are my Everything သီချင်းအပြင် Descendants of the Sun ဇာတ်ကားရဲ့ OST သီချင်းကောင်းတွေထဲက နောက်ထပ်တစ်ပုဒ်ကတော့ အရမ်းကို လူကြိုက်များခဲ့တဲ့ Punch နဲ့ Chen (Exo) တို့ရဲ့ Everytime ဖြစ်ပါတယ်။
All About You
Hotel Del Luna ဇာတ်ကားရဲ့ ဇာတ်ဝင်တေးဖြစ်တဲ့ All About You ဆိုတဲ့ OST Song ကိုတော့ SNSD အဖွဲ့ဝင် Taeyeon က သီဆိုိုပေးထားတာဖြစ်ပါတယ်။ Hotel Del Luna ပရိသတ်တွေရဲ့ အကြိုက်ဆုံး သီချင်းတစ်ပုဒ်လို့ဆိုနိုင်တဲ့အထိ လူကြိုက်များခဲ့တာပါ။
If
Source: Fanpop
Taeyeon ရဲ့ ဇာတ်ဝင်တေးကောင်းတွေထဲက နောက်ထပ်တစ်ပုဒ်ဖြစ်တဲ့ If ဆိုတဲ့ သီချင်းလေးကိုတော့ Hong Gil Dong ဇာတ်ကားထဲမှာ ပါဝင်သီဆိုပေးထားခဲ့တာဖြစ်ပြီး ယနေ့အချိန်ထိ လူကြိုက်များနေဆဲ ဇာတ်ဝင်တေးတွေထဲက တစ်ခုဖြစ်ပါတယ်။
