လောကမှာ လူတစ်ယောက်နဲ့တစ်ယောက်က အကြိုက်ချင်းမတူနိုင်ကြပါဘူး။ အစားအသောက်၊ အရောင်၊ ဖက်ရှင်၊ နေပုံထိုင်ပုံ စသဖြင့် အမျိုးမျိုး ကွာခြားသွားနိုင်ပါတယ်။ ရုပ်ရှင်ကြည့်တာ၊ သီချင်းနားထောင်တာတို့ဆိုရင်လည်း တချို့က ခပ်ကြမ်းကြမ်း မြူးမြူးတူးတူးတွေကို ကြိုက်ကြသလို တချို့ကကျတော့လည်း အေးအေးငြိမ့်ငြိမ့်လေးကို ပိုသဘောကျကြပါတယ်။

ကိုရီးယားပရိတ်သတ်တွေအတွက်ကတော့ ဇာတ်လမ်းတွေကို ပိုပြီးအနှစ်သာရပိုကောင်းစေတဲ့ နောက်ခံတေးသီချင်းတွေနဲ့ မစိမ်းလောက်ပါဘူး။ ဒီလို OST လေးတွေဟာ ဇာတ်လမ်းကိုပိုပြီး ခံစားလို့ကောင်းစေသလို ဇာတ်လမ်းမပါဘဲနဲ့လည်း ဒီအတိုင်းနားထောင်လို့လည်း အင်မတန်ကောင်းလှပါတယ်။

အခုတစ်ခါမှာတော့ ကမ္ဘာကျော် Idol တစ်ယောက်လည်းဖြစ်ပြီး OST ဘုရင်မတွေထဲက တစ်ယောက်အပါအဝင်လည်းဖြစ်တဲ့ SNSD အဖွဲ့ခေါင်းဆောင် Taeyeon သီဆိုခဲ့တဲ့ OST သီချင်းလေးတွေကို စုစည်းဖော်ပြပေးချင်ပါတယ်။

Taeyeon ဟာဆိုရင် ယောကျာ်းလေးပရိတ်သတ်တွေသာမက မိန်းကလေးပရိတ်သတ်တွေပါ အင်မတန်နှစ်ခြိုက်ကြတဲ့ အဆိုတော်တစ်ဦးဖြစ်ပြီး သူမရဲ့အသံချိုချိုလေးနဲ့ သီဆိုထားတဲ့ OST တွေဟာဆိုရင် ထွက်ရှိလိုက်တိုင်းလည်း နံပါတ်တစ်နေရာကို ချိတ်မြဲပါပဲ။

စာဖတ်သူက သီချင်းအေးအေးလေးတွေ နားထောင်ရတာလည်းကြိုက်တယ် ကိုရီးယားသီချင်းတွေလည်း နားထောင်လေ့ရှိတယ်ဆိုရင်တော့ Taeyeon ရဲ့ OST ကောင်းကောင်းလေးတွေကို နားထောင်ကြည့်ပါလို့ တိုက်တွန်းချင်ပါတယ်နော်။

All about you (Hotel Del Luna OST)

All With You (Scarlet Heart:Ryeo OST)

Closer (To The Beautiful You OST)

Love, That One Word (You’re All Surrounded OST)

Missing You Like Crazy (The King 2 Hearts OST)

I Love You (Athena: Goddess Of War OST)

If (Hong Gil Dong OST)