Hourglass Body Type က ပျိုမေအများစုရဲ့ အိပ်မက်ထဲက ခန္ဓာကိုယ် ပုံစံပါ။ သင်က အစားအသောက်ကို ဂရုစိုက်ပြီး လေ့ကျင့်ခန်းကို ပုံမှန်လုပ်မယ်ဆိုရင် သင့်ခန္ဓာကိုယ် အချိုးအစားအလိုက် Hourglass Body Shape ကို ရနိုင်ပါတယ်။ ဒီထဲမှာတော့ ဒီလို ခန္ဓာကိုယ်မျိုးလေး ရစေမယ့် လေ့ကျင့်ခန်းတွေကို ဖော်ပြပါရစေ။
၁။ ထိုင်ထ
Photo Source: Tenor
ထိုင်ထ လေ့ကျင့်ခန်းက သင့်တင်ဘေးကြွက်သားတွေကို သန်မာစေပြီး ဗိုက်ကြွက်သားအတွက်ပါ အကျိုးပြုပါတယ်။ ထိုင်ထ လေ့ကျင့်ခန်းကို အခါ ၂၀ လုပ်ပေးရပါမယ်။
၂။ Donkey Kicks
Photo Source: Gfycat
ဒူးထောက်ကာ သင့်လက်ကိုလည်း ထောက်ထားရပါမယ်။ ကုန်းတဲ့ ပုံစံမျိုးကနေ စတင်ပေးရပါမယ်။ ပြီးနောက် သင့်ညာဘက် ဒူးကို အပေါ်ဘက် ပင့်တင်ပေးရပါမယ်။ ညာဘက်ခြမ်းကို အခါ ၂၀ မြှင့်ပေးရပါမယ်။ ဘယ်ဘက်ကိုလည်း ဒီလိုပဲ အခါ ၂၀ လုပ်ပေးရပါမယ်။
၃။ Hip Twists
Photo Source: Pinterest
တံတောင်နဲ့ Plank ထောက်တဲ့ ပုံစံမျိုးကနေ စတင်ပေးရပါမယ်။ ပြီးရင်တော့ သင့်တင်ပါးကို ဘယ်ညာ လှိမ့်ပေးရပါမယ်။ ဒီလေ့ကျင့်ခန်းက ခါးဘေးအဆီတွေကို ချပေးနိုင်ပါလိမ့်မယ်။ အခါ ၂၀ လုပ်ပေးရပါမယ်။
၄။ Side Seal
Photo Source: Gfycat
ဘေးစောင်း အနေအထားနဲ့ လှဲကာ တံတောင်နဲ့ ထောက်ထားရပါမယ်။ ပြီးနောက် ဒီအနေအထားကနေ တင်ပါးကို အပေါ် ပင့်တင်ပေးရပါမယ်။ ဒီလေ့ကျင့်ခန်းက တစ်ကိုယ်လုံးစာ ထိရောက်တဲ့ လေ့ကျင့်ခန်း ဖြစ်ပါတယ်။
၅။ Plank
Photo Source: Pinterest
Side Seal လေ့ကျင့်ခန်း ပြီးရင်တော့ ခဏတဖြုတ်နားကာ Plank ထောက်ပေးရပါမယ်။ Plank ကို ၁ မိနစ် ထောက်ပေးရပါမယ်။ သင့်ဗိုက်ကြွက်သားအတွက် သင့်တော်တဲ့ လေ့ကျင့်ခန်းပါ။
၆။ Lunges
Photo Source: Tenor
တင်ပါး ကြွက်သားတွေအတွက် ရည်ရွယ်တဲ့ Lunges လေ့ကျင့်ခန်းကိုတော့ ၁၀ ခါ လုပ်ပေးရပါမယ်။ မတ်တပ်ရပ် အနေအထားကနေ စတင်ကာ ရှေ့ဘက်ဆီ ခြေထောက်တစ်ဘက်ကို ဒူးထောက်ပေးရပါမယ်။ ပြီးရင်တော့ နဂိုအနေအထားအတိုင်း ပြန်သွားရပါမယ်။ တခြားတစ်ဘက်ကိုလည်း ဒီလိုပဲ တစ်လှည့်စီ လုပ်ပေးရပါမယ်။
By MyStyle Myanmar
