အားလုံးပဲမင်္ဂလာပါနော်။ ဒီတခါမှာတော့ ဆံပင်အဖျားနှစ်ခွဖြစ်ပြီး ဆံနွယ်လေးတွေက ဆွဲဆောင်မှုမရှိပဲ့ မွဲခြောက်ခြောက်ကြီးဖြစ်နေလို့ စိတ်ညစ်နေသူတွေအတွက် ဆံပင်အဖျားနှစ်ခွဖြစ်တာကို အမြန်ဆုံးသက်သာစေရုံမက သဘာဝအတိုင်း နူးညံ့စိုပြေနေစေမယ့် နည်းလမ်းကောင်းလေးတွေကို မျှဝေပေးလိုက်ပါတယ်နော်။
၁။ ဆံပင်အဖျားလေးတွေကို ပုံမှန်တိပေးပါ
သင့်ရဲ့ ဆံပင်အဖျားလေးတွေကို ၂ လတစ်ကြိမ်လောက် တိပေးပါ။
၂။ ခေါင်းလျှော်တိုင်း ပေါင်းဆေးသုံးပါ
ခေါင်းလျှော်တဲ့အချိန်တိုင်း ပေါင်းဆေးလေးသုံးပေးပါ။
၃။ ရေအေးအေးနဲ့ခေါင်းလျှော်ပါ
ခေါင်းလျှော်တဲ့အခါ ရေနွေးနဲ့လျှော်ရင် ဆံကေသာကို ကြမ်းတမ်းစေပါတယ်။ ဒါ့ကြောင့် ရေအေးနဲ့လျှော်ပါ။
၄။ သဘာဝနည်းလမ်းနဲ့ပေါင်းတင်ပါ
ပါဝင်ပစ္စည်း
ကြက်ဥ ၂ လုံး
လိမ္မော်သီးတစ်လုံး အရည်ညှစ်ပါ
ငှက်ပျောသီးမှည့်တစ်လုံး
ပြုလုပ်နည်း
ပါဝင်ပစ္စည်းတွေအားလုံးကို သေချာရောလိုက်ပြီး မွှေလိုက်ပါ။ ပြီးနောက် ဆံပင်အရင်းကနေ အဖျားအထိလိမ်းပေးလိုက်ပါ။ မိနစ် ၃၀ လောက်ထားပြီး ခေါင်းလျှော်ချလိုက်ပါ။
တစ်ပတ် ၃ ကြိမ်လုပ်ပါ။
၅။ ခေါင်းလျှော်ပြီးတိုင်း ဆီလိမ်းဖို့ မမေ့ပါနဲ့
ခေါင်းလျှော်ပြီးတိုင်း ဆံသားအစိုဓါတ်ရရှိပြီးအားပြည့်စေဖို့အတွက် ဆံသား မစိုမခြောက်အချိန်မှာ သဘာဝအုန်းဆီဖြစ်ဖြစ် Hair Serumဖြစ်ဖြစ် အမြဲလိမ်းပေးပါ။ အဲ့လိုလုပ်ပေးခြင်းဖြင့် ဆံပင်အဖျားနှစ်ခွဖြစ်တာ သက်သာပျောက်ကင်းစေပြီး ဆံနွယ်လေးတွေလည်း သဘာဝအတိုင်းပြန်လည်စိုပြေနူးညံ့လာပါလိမ့်မယ်။
