ရာသီဥတုပူတဲ့နေ့တွေမှာတောင် ပေါ့ပါးပြီးစတိုင်လ်ကျလှပနေစေမယ့် ဖက်ရှင်များ

အခုတစ်လော နေ့ခင်းဘက်တွေဆို အရမ်းပူပါတယ်။ ဒီလိုအရမ်းပူရင် အပြင်သွားရလာလည်း အဆင်မပြေ၊ အဝတ်အစားဝတ်ရင်လည်း ဘာဝတ်ရမလဲမသိအောင် စိတ်ရှုပ်ရပါတယ်။ ဒါကြောင့် ရာသီဥတုပူတဲ့နေ့တွေမှာတောင် ပျိုမေတို့အတွက် ပေါ့ပါးပြီး စတိုင်လ်ကျလှပနေစေမယ့် ဖက်ရှင်တွေကို ဖော်ပြပေးလိုက်ပါတယ်။

Floral Dress အရှည်လေးတွေဆိုရင် ရာသီဥတုပူတဲ့နေ့တွေမှာ အရမ်းဝတ်လို့ကောင်းပါတယ်။ ပေါ့ပါးပြီး လှပစေတဲ့အပြင် အပူဒဏ်လည်း သက်သာစေပါတယ်။

ဂျင်းဘောင်းဘီအရှည်ဆိုလည်း အကျပ်တွေဝတ်မယ့်အစားအပွလေးတွေကို တီရှပ်လေးတွေ၊ အင်္ကျီအဖြူလေးတွေ၊ အသားအေးတဲ့ရှပ်အင်္ကျီလေးတွေနဲ့ တွဲဝတ်ကြည့်ပါ။ စတိုင်လ်ကျပြီး ပေါ့ပါးမှုရှိစေပါတယ်။

နောက်ပိုင်းမှာခေတ်စားနေတဲ့ ဒူးဖုံးစကပ်အကားလေးတွေကလည်း ဝတ်ရတာသက်တောင့်သက်သာနဲ့ ပေါ့ပါးမှုရှိစေပါတယ်။ ဒီလိုစကပ်လေးတွေကို ကြိုးတစ်လုံးလေးတွေနဲ့ တွဲဝတ်လိုက်ရင် အပူဒဏ်သက်သာပြီး စတိုင်လ်လည်းကျစေပါတယ်။

အသားအေးတဲ့ ဒူးဖုံးစကပ်အကွဲလေးတွေဆိုရင်တော့ တီရှပ်အဖြူလေးတွေ၊ Crop Top အဖြူလေးတွေနဲ့တွဲဝတ်ပါ။ စတိုင်လ်လည်းကျ၊ အပူဒဏ်လည်းသက်သာ၊ ဝတ်ရတာလည်း ပေါ့ပါးမှုရှိစေတယ်နော်။

အခုနောက်ပိုင်း လူငယ်လေးတွေ အရမ်းဝတ်တဲ့ Stye Pant ဘောင်းဘီအပွလေးတွေကို ရှပ်အင်္ကျီအဖြူလေးတွေနဲ့ တွဲဝတ်ရင် အပူဒဏ်ကိုသက်သာစေပါတယ်။ ရာသီဥတုပူပေမယ့် အတိုမဝတ်ချင်ရင် ဒီလိုလေးဝတ်ပါ။