အားလုံးပဲမင်္ဂလာပါနော်။ ချွေးပေါက်လေးတွေမှာ ဆားဝက်ခြံတွေ ပိတ်နေရင် အဆီပိုပြီးပြန်စေသလို အသားအရေအတွက်လည်းမကောင်းပါဘူး။
အခုလို ချွေးပေါက်ပိတ်တာကိုလည်း သန့်စင်ပေးပြီး ဆားဝက်ခြံတွေကို ထိရောက်စွာနဲ့ ဖယ်ရှားပေးနိုင်မယ့် သဘာဝနည်းလမ်းကို မျှဝေပေးချင်ပါတယ်။
၁။ ပါဝင်ပစ္စည်း
မီးသွေး မှုန့် လက်ဖက်ရည်ဇွန်း ၁ ဇွန်း
ဂျယ်လီ (Gelatin) လက်ဖက်ရည်ဇွန်း ၁ ဇွန်း
ရေ စားပွဲတင်ဇွန်း ၁ ဇွန်း
ပြုလုပ်နည်း
ရေနွေးဆူဆူတည်ထားတဲ့ အိုးထဲကို ပန်းကန်တစ်လုံးထည့်ပြီး အရင်ဆုံး မီးသွေးမှုန့်နဲ့ ဂျယ်လီ (Gelatin) ကိုထည့်လိုက်ပါ။
ရေထည့်လိုက်ပြီး သေချာမွှေပေးလိုက်ပါ။ ဂျယ်လီမှုန့်အရည်ပျော်သွားပြီဆိုရင် အေးအောင်ထားပါ။
နှာခေါင်း၊ မေးစေ့၊ ပါးပြင်စတဲ့ ဆားဝက်ခြံရှိတဲ့နေရာမှာ လိမ်းပေးလိုက်ပါ။ ပြီးရင်တော့ ခြောက်အောင်ထားပါ။
၁၀ မိနစ် ၁၅ မိနစ်လောက်ထားရပါတယ်။ အဲဒီနောက် သေချာလေး ခွာချပေးလိုက်ပါ။
ပြီးရင် မျက်နှာသေချာသစ်လိုက်ပြီး Moisturizer လိမ်းပေးလိုက်ပါ။
Photo: www.febhow.com
