ခြောက်သွေ့ပြီးဖွာနေတဲ့ဆံသားအတွက် ထိရောက်တဲ့ဆံပင်ပေါင်းတင်နည်းများ

ခြောက်သွေ့ပြီးဖွာနေတဲ့ဆံသားအတွက် ငွေအကုန်အကျသက်သာပြီး ထိရောက်တဲ့ ဆံပင်ပေါင်းတင်နည်းတွေကို မျှဝေပေးလိုက်ပါတယ်။

အုန်းဆီ + ပျားရည်

အုန်းဆီ – စားပွဲတင်ဇွန်း ၁ ဇွန်းနဲ့ ပျားရည် – စားပွဲတင်ဇွန်း ၁ ဇွန်းတို့ကို ရောမွှေပြီး အရည်ပျော်အောင် အပူပေးပါ။ အရည်ပျော်သွားပြီဆိုရင် ဆံပင်အရင်းကနေ အဖျားထိ သေချာနှံ့အောင်လိမ်းပေးပြီး shower cap နဲ့ မိနစ် ၂၀ ကြာ အုပ်ထားလိုက်ပါ။ အချိန်ပြည့်ရင် ခေါင်းလျှော်ချလိုက်ရုံပါပဲ။ ကိုယ်က ဆံပင်ရှည်တယ်၊ ထူတယ်ဆိုရင်တော့ စားပွဲတင်ဇွန်း ၁ ဇွန်းထက် ပိုသုံးပေးပါ။ နှစ်ခုကို ဆတူရောရင် ရပါပြီ။

အုန်းဆီ + ပျားရည် + ထောပတ်သီး

အုန်ဆီ – စားပွဲတင်ဇွန်း ၁ ဇွန်း၊ ပျားရည် – စားပွဲတင်ဇွန်း ၁ ဇွန်း၊ ထောပတ်သီး – ၁ လုံးတို့ကို ရောပြီး blender ထဲ ထည့်ကြိတ်ပါ။ ကြိတ်ပြီးရင် ဆံပင်အရင်းကနေ အဖျားအထိ သေချာနှံ့အောင် လိမ်းပေးပါ။ မိနစ် ၂၀ ထားပြီးရင်တော့ ခေါင်းလျှော်လိုက်လို့ရပါပြီ။ ခေါင်းလျှော်တဲ့အခါမှာ သေချာပြောင်အောင် လျှော်ပေးဖို့တော့ လိုပါတယ်။

ငှက်ပျောသီး + ဒိန်ချဉ် + ပျားရည်

ငှက်ပျောသီး – ၃ ပုံ ပုံ ၁ ပုံ၊ ဒိန်ချဉ် – စားပွဲတင်ဇွန်း ၂ ဇွန်းနဲ့ ပျားရည် – စားပွဲတင်ဇွန်း ၁ ဇွန်းတို့ကို blender ထဲထည့်ကြိတ်ပြီး ရလာတာတွေကို ဆံပင်အရင်းကနေ အဖျားအထိ သေချာနှံ့အောင် လိမ်းပေးပါ။ ပြီးရင်တော့ shower cap အုပ်ထားပြီး မိနစ် ၃၀ ထားပါ။ အချိန်ပြည့်ရင် ခေါင်းလျှော်ပြီး conditioner သုံးပေးဖို့လည်း မမေ့ပါနဲ့။

သကြားညို + သံလွင်ဆီ

သကြားညို – စားပွဲတင်ဇွန်း ၂ ဇွန်းနဲ့ သံလွင်ဆီ – စားပွဲတင်ဇွန်း ၁ ဇွန်းတို့ကို ရောမွှေပြီး ဆံပင်အရင်းကနေ အဖျားထိ သေချာနှံ့အောင်လိမ်းပေးပါ။ မိနစ် ၂၀ လောက်ထားပြီးရင် ခေါင်းလျှော်လိုက်ရုံပါပဲ။

ဒီပေါင်းတင်နည်းတွေထဲက ကိုယ်နှစ်သက်ရာတစ်မျိုးကို ရွေးချယ်ပြီး ပြုလုပ်နိုင်ပါတယ်။ ပုံမှန်လုပ်ပေးရင်တော့ သိသာတဲ့ရလဒ်ကို ရရှိမှာပါ။