ဘီယာက သောက်ဖို့တစ်ခုထဲအတွက်မဟုတ်ပဲ အလှအပရေးရာအတွက်လည်း အရမ်းအသုံးဝင်ပါတယ်။ ဘီယာနဲ့ ဆံပင်ပေါင်းတင်နိုင်သလို၊ မျက်နှာလည်း ပေါင်းတင်နိုင်ပါတယ်။ ဒီတစ်ခါမှာတော့ မျက်နှာအသားအရေပိုကောင်းလာစေဖို့အတွက် ဘီယာနဲ့ ပေါင်းတင်နိုင်မယ့် နည်းလမ်းကောင်း ၃ မျိုးကို မျှဝေပေးလိုက်ပါတယ်။

ဘီယာနဲ့စတော်ဘယ်ရီ

Blender ထဲကို စတော်ဘယ်ရီ ၃ လုံးထည့်ပြီး ဘီယာ ၃ စက်လောက်ထည့်ကာ ကြိတ်လိုက်ပါ။ ရလာတာကိုမှ မျက်နှာမှာလိမ်းပြီး မိနစ် ၂၀ ထားပေးပါ။ အချိန်ပြည့်ရင်တော့ ရေအေးနဲ့ပဲမျက်နှာသစ်လိုက်ပါ။ ဒီမျက်နှာပေါင်းတင်နည်းကတော့ မျက်နှာလေး glow ပြီး အသားအရေချောမွေ့လာစေပါတယ်။

ဘီယာ၊ ပျားရည်၊ သံပယိုရည်နဲ့ သံလွင်ဆီ

ပန်းကန်ထဲကို ပျားရည်၊ သံပယိုရည်နဲ့ သံလွင်ဆီတို့ကို စားပွဲတင်ဇွန်း ၁ ဇွန်းစီ ထည့်ပေးပါ။ ပြီးရင်တော့ ဘီယာ ၃ စက်လောက်ထည့်ပြီး သမအောင်မွှေပါ။ ရလာတာကိုမှ မျက်နှာကိုသေချာလိမ်းပြီး ပေါင်းတင်ပေးပါ။ ၁၅ မိနစ်လောက်ထားပြီး မျက်နှာသစ်လိုက်ရုံပါပဲ။ ဒီပေါင်းတင်နည်းကတော့ မျက်နှာရှိတဲ့ အဆီပိုတွေနဲ့ အညစ်အကြေးတွေကို ဖယ်ရှားပေးနိုင်တဲ့အတွက် မျက်နှာအသားအရေကြည်လာစေပါတယ်။

ဘီယာ၊ ကြက်ဥအကာနဲ့ သံပယိုရည်

သံပယိုရည် – စားပွဲတင်ဇွန်း ၁ ဇွန်းနဲ့ ကြက်ဥအကာ ၁ လုံး (အနှစ်ကိုဖယ်ထုတ်လိုက်ပါ) တို့ကို ရောမွှေပြီး ဘီယာ – ၃ စက်လောက်ထည့်မွှေပါ။ ပြီးရင်တော့ မျက်နှာမှာ သေချာလိမ်းပြီး ပေါင်းတင်ပေးပါ။ မိနစ် ၂၀ ထားပြီးရင်တော့ မျက်နှာသစ်လိုက်လို့ရပါပြီ။ ဒီပေါင်းတင်နည်းကတော့ မျက်နှာအသားအရေ ချောမွေ့ပြီး bright ဖြစ်လာစေပါတယ်။

source:www.blushin.com