ဆံကေသာ ခြောက်သွေ့ကြမ်းတမ်းပြီး ကျိုးကြေပျက်စီးခြင်း၊ မြင်ရက်စရာမကောင်းလောက်အောင်ကို ခေါင်းမှာဗောက်တွေ တအားထနေခြင်း၊ နောက်ပြီး ဖြီးလိုက်တိုင်း ဆံပင်တွေကကျွတ်လွန်းလို့ ခေါင်းတောင်မဖြီးရဲတော့တာမျိုးဖြစ်စေတဲ့ စိတ်ညစ်စရာ ဆံပင်ကျွတ်ခြင်း ပြဿနာတွေက မိန်းကလေးပဲဖြစ်ဖြစ်၊ ယောင်္ကျားလေးပဲဖြစ်ဖြစ် နေ့တဓူဝ ကြုံတွေ့နေရပါတယ်။
ခေါင်းလျှော်တိုင်းမှာလည်း ဆံပင်ပျော့ဆေးနဲ့ ပေါင်းဆေးတွေ ဘယ်လောက်ပဲ သုံးပေမယ့်လည်း ဆံပင်က ပျက်စီးဆဲပဲဆိုရင်တော့ သဘာဝဆေးစွမ်းတစ်လက်ဖြစ်တဲ့ ရှားစောင်းလက်ပတ်ကိုသာ သတိရလိုက်ပါ။
ဈေးကြီးတဲ့ အလှကုန်ပစ္စည်းတွေ ဆိုင်မှာ ဈေးကြီးပေးလုပ်ရတဲ့ ပေါင်းတင်နည်းတွေ အသုံးပြုမယ့်အစား အခုဖော်ပြပေးမယ့် အိမ်တွင်းဆေးနည်းစစ်စစ်တွေကို အသုံးပြုမယ်ဆိုရင် အကုန်အကျလည်း သက်သာပြီး အချိန်ကုန်လည်း သက်သာမှာပဲဖြစ်ပါတယ်။
ခြောက်သွေ့၊ ကျိုးကျေပျက်စီးနေတဲ့ ဆံသားတွေအတွက်
လိုအပ်သည့်ပစ္စည်းများ
ရှားစောင်းလက်ပတ်အနှစ် − စားပွဲတင်ဇွန်း ၂ ဇွန်း
Extra-virgin အုန်းဆီ − စားပွဲတင်ဇွန်း ၁ ဇွန်း
ပျားရည် − စားပွဲတင်ဇွန်း ၂ ဇွန်း
ပြင်ဆင်ပြုလုပ်ပုံ
ရှားစောင်းလက်ပတ်အနှစ် စားပွဲတင်ဇွန်း ၂ ဇွန်း ၊ Extra-virgin အုန်းဆီ − စားပွဲတင်ဇွန်း ၁ ဇွန်း ၊ ပျားရည် − စားပွဲတင်ဇွန်း ၂ ဇွန်း တို့ကို ပန်းကန်လုံးတစ်ခုထဲ ပေါင်းထည့်ပေးပါ။ လျှပ်စစ်မွှေစက်ကိုအသုံးပြုပြီး ပါဝင်ပစ္စည်းတွေနှံ့သွားအောင် သေချာရောသမမွှေပေးပါ။
ပုံမှာပြထားတဲ့အတိုင်း ဆံပင်ကိုအလယ်ခွဲလိုက်ပါ။ မွှေပြီးရလာတဲ့ Mask ကို ဆံပင်အရင်းကနေ အဖျားအထိ သေချာသုတ်လိမ်းပေးပါ။ နာရီဝက် သို့မဟုတ် ၃၅ မိနစ်အထိ ထားပေးပြီး ပုံမှန်သုံးနေကျခေါင်းလျှော်ရည်နဲ့ ခေါင်းလျှော်လိုက်ပါ။ ထူထဲနက်နဲပြီး ချောမွေ့တဲ့ဆံသားကို ရရှိချင်ရင်တော့ ဒီနည်းလမ်းလေးကို တစ်ပတ်လျှင် ၂ ကြိမ်ပြုလုပ်ပေးပါ။
တောက်ပြောင်တဲ့ဆံသားရရှိဖို့
လိုအပ်သည့်ပစ္စည်းများ
ရှားစောင်းလက်ပတ်အနှစ် − စားပွဲတင်ဇွန်း ၂ ဇွန်း
ပျားရည် − စားပွဲတင်ဇွန်း ၁ ဇွန်း
သံလွင်ဆီ − စားပွဲတင်ဇွန်း ၂ ဇွန်း
ဒိန်ချဥ် − စားပွဲတင်ဇွန်း ၂ ဇွန်း
ပြင်ဆင်ပြုလုပ်ပုံ
ရှားစောင်းလက်ပတ်၊ ပျားရည်၊ သံလွင်ဆီနဲ့ ဒိန်ချဥ်တို့ကို အစဥ်လိုက် ပန်းကန်လုံးတစ်ခုထဲ လောင်းထည့်ပေးပါ။ လျှပ်စစ်မွှေစက်ကိုအသုံးပြုပြီး ပါဝင်ပစ္စည်းတွေနှံ့သွားအောင် သေချာရောသမမွှေပေးပါ။
ပုံမှာပြထားတဲ့အတိုင်း ဆံပင်ကိုအလယ်ခွဲလိုက်ပါ။ မွှေပြီးရလာတဲ့ Mask ကို ဦးရေပြားကနေ ဆံပင်အဖျားအထိ သေချာသုတ်လိမ်းပေးပါ။ နာရီဝက် သို့မဟုတ် ၂၅ မိနစ်အထိ ထားပေးပြီး ပုံမှန်သုံးနေကျခေါင်းလျှော်ရည်နဲ့ ခေါင်းလျှော်လိုက်ပါ။ ထူထဲနက်နဲပြီး ချောမွေ့တောက်ပြောင်တဲ့ဆံသားကို ရရှိချင်ရင်တော့ ဒီနည်းလမ်းလေးကို တစ်လလျှင် ၃ ကြိမ် သို့မဟုတ် ၄ ကြိမ်ပြုလုပ်ပေးပါ။
ဆံပင်ကျွတ်ခြင်းပြဿနာအတွက်
လိုအပ်သည့်ပစ္စည်းများ
ရှားစောင်းလက်ပတ်အနှစ် − စားပွဲတင်ဇွန်း ၂ ဇွန်း
လီမွန် (သံပုယိုရည်) − စားပွဲတင်ဇွန်း ၁ ဇွန်း
ပြင်ဆင်ပြုလုပ်ပုံ
ရှားစောင်းလက်ပတ်အနှစ် စားပွဲတင်ဇွန်း ၂ ဇွန်းကို ပန်းကန်လုံးတစ်ခုထဲ အရင်လောင်းထည့်ပြီး လီမွန် (သံပုယိုရည်) စားပွဲတင်ဇွန်း ၁ ဇွန်းကို ထပ်ပေါင်းထည့်ကာ သေချာမွှေပေးပါ။
ပုံမှာပြထားတဲ့အတိုင်း ဆံပင်ကိုအလယ်ခွဲလိုက်ပါ။ မွှေပြီးရလာတဲ့ Mask ကို ဦးရေပြားမှာ သေချာသုတ်လိမ်းပေးပါ။ နာရီဝက် သို့မဟုတ် မိနစ် ၂၀ ထားပေးပြီး ဦးရေပြားကို နှိပ်နယ်ပြီးမှ ရေနဲ့ခေါင်းလျှော်ချပါ။ ဒီရှားစောင်းလက်ပတ် Hair Mask ကိုတော့ တစ်ပတ် တစ်ကြိမ်မှန်မှန်ပြုလုပ်ပေးခြင်းဖြင့် ဆံပင်ကျွတ်လွန်းတဲ့ ပြဿနာကို ဖြေရှင်းနိုင်မှာဖြစ်ပါတယ်။
Source: FabHow
By MyStyle Myanmar
