အပြင်သွားတဲ့အခါ ပူပြင်းလွန်းတဲ့ နေရောင်ခြည်ကို ကာကွယ်ဖို့နဲ့ နေလောင်ဒဏ်မခံရအောင် ဂရုစိုက်ဖို့က အရေးကြီးပါတယ်။ UV ပျက်စီးမှုကို ခုခံကာကွယ်နိုင်တဲ့ Lotion လိမ်းပြီးမှ အပြင်သွားတာက ပြင်းလွန်းတဲ့နေရောင်ဒဏ်ကို ကာကွယ်ပေးနိုင်ပါတယ် ။
ဒီလိုအသားအရေကို ရေဓာတ်ပြန်လည်ဖြည့်တင်းပေးဖို့နဲ့ နေလောင်ဒဏ်ကို ကာကွယ်ဖို့ အရေပြားအထူးကုဆရာဝန်များထောက်ခံထားတဲ့ Lotion တချို့ကို ဝေမျှလိုက်ပါတယ်။
Coola Radical Recovery EcoCert Organic After Sun Lotion
အော်ဂဲနစ်ပါဝင်ပစ္စည်းများ 70% ကျော်နဲ့ ထုတ်လုပ်ထားတဲ့ ဒီ Lotion က လိမ်းလိုက်ရင် စေးကပ်မှုမဖြစ်စေဘဲ လျင်မြန်စွာ စိမ့်ဝင်နိုင်တဲ့အပြင် အသားအရေကို နူးညံ့စေပြီး ရေဓာတ်ကို ထိန်းပေးပါတယ်။ လိမ်းလိုက်ရင် အေးအေးလေးနဲ့ ဆုံးရှုံးသွားတဲ့ အစိုဓာတ်ကို ဖြည့်ဆည်းပေးဖို့အတွက် ကောင်းမွန်ပါတယ်။
Best Aloe Vera Gel: Vacation After Sun Gel
ရေကိုအခြေခံပြီး ပေါ့ပါးတဲ့ texture နဲ့ ထုတ်ထားတဲ့ ဒီ Gel က လိမ်းလိုက်ရင် ခြောက်သွေ့တဲ့အသားအရေကို လုံလောက်စွာရေဓာတ်ဖြည့်ပေးနိုင်တာကြောင့် နေလောင်ဒဏ်ကို သက်သာစေတဲ့အပြင် အထူးသဖြင့် ယားယံနေတဲ့ အသားအရေကို သက်သာစေပါတယ်။
Best for Dry Skin: CeraVe Moisturizing Cream
အဆီမပြန်ဘဲ ရေဓာတ်ပါဝင်မှုများတဲ့ CeraVe က အသားအရေကို လျင်မြန်စွာ ပြုပြင်ပေးတဲ့အပြင် အမွှေးနံ့မပါတာကြောင့် လူတော်တော်များများက ရွေးချယ်လေ့ရှိပါတယ်။ လိမ်းထားပြီးရင် အသားအရေကို နာရီပေါင်းများစွာကြာအောင် ချောမွေ့စေပြီး ရေဓာတ်ကို ပေးစွမ်းနိုင်တာကြောင့် အရေပြားခြောက်သွေ့တာ သို့မဟုတ် နေလောင်ဒဏ်ကြောင့် ပျက်စီးနေတဲ့ အရေပြားနဲ့ ယားယံတာတို့ကို သက်သာစေပါတယ်။
Best Noncomedogenic: Aveeno Calm + Restore Body Moisturizer Gel for Sensitive Skin
Gel-based ဖြစ်တဲ့ ဒီ Body Moisturizer က ထိခိုက်လွယ်ပြီး နေရောင်ခြည်ဒဏ်ခံရတဲ့ အသားအရေအတွက် ချွေးပေါက်များကိုပိတ်ဆို့ခြင်းမရှိဘဲ ရေဓာတ်ဖြည့်ပေးပြီး အေးမြတဲ့အာနိသင်ကို ပေးစွမ်းနိုင်ပါတယ်။
Best for Sunburn: La Roche-Posay Cicaplast Balm B5 Healing Ointment
အရေပြားအထူးကုဆရာဝန်နဲ့ လူငယ်အသားအရေထိန်းအမှတ်တံဆိပ် Btwn ရဲ့ တည်ထောင်သူ Brooke Jeffy, MD က La Roche-Posay Cicaplast Balm ဟာ အဆီပါဝင်မှုပိုများပြီး ရေပါဝင်မှုနည်းတာကြောင့် နေရောင်ခြည်နဲ့ ထိတွေ့ထားတဲ့ အရေပြားအတွင်း ရေဓာတ်ဖြည့်ပေးပြီး ရောင်ရမ်းမှုကို လျှော့ချပေးနိုင်တယ်လို့ အကြုပြုထားပါတယ်။
https://www.glamour.com/gallery/best-after-sun-lotions
