လက်မောင်းကအဆီတွေလျော့ကျသွားစေမယ့်အလွယ်ကူဆုံးလေ့ကျင့်ခန်း ၄ မျိုး

လက်မောင်းတုတ်လို့၊ လက်မောင်းကြီးလို့ စိတ်ညစ်နေတဲ့သူတွေအတွက် လက်မောင်းကအဆီတွေ လျော့ကျသွားစေမယ့် အလွယ်ကူဆုံးသော လေ့ကျင့်ခန်း ၄ မျိုးကို မျှဝေပေးလိုက်ပါတယ်။

One-arm triceps

ပုံမှာပြထားတဲ့အတိုင်း ခုံကို လက်နဲ့နောက်ပြန်ကိုင်ထားပြီး လက်ကိုအားသုံးပြီး ခြေထောက်ကို ထောက်လျှက် အပေါ်ထလိုက်၊ အောက်ပြန်ချလိုက်နဲ့ လုပ်ပေးရမှာပါ။ အကြိမ်ရေ ၂၀ မှ ၃၀ အထိ လုပ်ပေးနိုင်ပါတယ်။

Arm circles

အလေးတုံးအသေး မရှိရင် ရေသန့်ဘူးကို ရေဖြည့်ပြီး လုပ်လို့ရပါတယ်။ ပုံမှာပြထားတဲ့အတိုင်းကိုင်ထားပြီး စက်ဝိုင်းပုံစံ အရှေ့ကိုဝိုက်လှည့်လိုက်၊ အနောက်ကိုဝိုက်လှည့်လိုက်နဲ့ အကြိမ် ၃၀ လုပ်ပေးရပါမယ်။

Single arm lateral raise

ဒီလေ့ကျင့်ခန်းကတော့ အရမ်းလွယ်ပါတယ်။ ပုံမှာပြထားတဲ့အတိုင်း လက်နှစ်ဖက်ကိုထောက်၊ ခြေထောက်နှစ်ဖက်ကို ဆင်းထားပါ။ ပြီးရင် အဲ့အတိုင်းနေပြီး လက်တစ်ဖက်ကို ရှေ့ဆန့်ထုတ်လိုက်၊ ပြန်ထောက်လိုက်၊ နောက်လက်တစ်ဖက်ကို ရှေ့ဆန့်ထုတ်လိုက်၊ ပြန်ထောက်လိုက်နဲ့ တစ်ဖက်ကို ၁၅ ကြိမ် (သို့) အကြိမ် ၂၀ စီ လုပ်ပေးရပါမယ်။

Opposite arm and leg lift

ပုံမှာပြထားတဲ့အတိုင်း ဘယ်ခြေထောက်ကိုဆန့်၊ ညာခြေထောက်ကဒူးထောက်ပြီး ဘယ်လက်ကိုထောက်၊ ညာလက်ကို ဆန့်ပါ။ ပြီးရင် ဘက်ပြောင်းပြီး ညာခြေထောက်ကိုဆန့်၊ ဘယ်ခြေထောက်ကဒူးထောက်၊ ဘယ်လက်ကိုဆန့်၊ ညာလက်ကိုထောက်ထားပါ။ အဲ့အတိုင်း တစ်လှည့်စီ တစ်ဖက်ကို ၁၅ ကြိမ် (သို့) အကြိမ် ၂၀ စီ လုပ်ပေးရုံပါပဲ။

ဒီလေ့ကျင့်ခန်း ၄ မျိုးလုံးက အရမ်းလွယ်တာကြောင့် နေ့တိုင်း အချိန်ပေးပြီး လုပ်ပေးပါ။ အရမ်းလွယ်ကူတဲ့ လေ့ကျင့်ခန်းတွေဖြစ်လို့ အချိန်ယူပြီးတော့ လုပ်ဖို့၊ စိတ်ရှည်ဖို့လိုပါတယ်။ နေ့တိုင်းသာ ပုံမှန်လုပ်ပေးရင်တော့ တစ်ဖြေးဖြေးနဲ့ လက်မောင်းက အဆီတွေကျပြီး လက်မောင်းသေးလာမှာပါ။