ညဘက်တွေမှာ အဝတ်မဲ့ အိပ်စက်ဖူးပါသလား။ အဝတ်ဗလာနဲ့ အိပ်စက်ခြင်း Naked Sleeping ကို လုပ်ဆောင်တဲ့သူ နည်းပါလိမ့်မယ်။ ဒီအလေ့အထဟာ ကျန်းမာရေးအမြင်အရ ကြည့်မယ်ဆိုရင် ကောင်းကျိုးတွေ အများကြီးပေးပါတယ်။
(၁) နှစ်နှစ်ခြိုက်ခြိုက် ပိုအိပ်စက်စေတယ်
အဝတ်အစားမဝတ်ဘဲ အိပ်စက်မယ်ဆိုရင် ခန္ဓာကိုယ်အပူချိန်ဟာ အကျမြန်ပါတယ်။ အပူချိန် ကျတာနဲ့အမျှ အမြန်အိပ်ပျော်ဖို့အတွက်လည်း အထောက်အကူဖြစ်ပါတယ်။ ညဘက်အိပ်စက်ရာမှာ အဝတ်အစားနဲ့ အိပ်တာထက် အဝတ်မပါဘဲ အိပ်စက်တာက အိပ်လို့လည်း ပိုပြီး နှစ်နှစ်ခြိုက်ခြိုက် အိပ်ပျော်စေနိုင်ပါတယ်။
(၂) စိတ်ဖိစီးမှုနဲ့ ရှုပ်ထွေးမှု လျော့ကျစေတယ်
အိပ်ရေးဝသူတွေဟာ စိတ်ဖိစီးမှုနည်းတယ်ဆိုတာ အတော်များများ သိမှာပါ။ အပေါ်မှာ ပြောခဲ့သလို အဝတ်မပါဘဲ အိပ်တာကြောင့် အိပ်လို့ကောင်းတာကြောင့် စိတ်ကျန်းမာရေးပိုကောင်းလာပြီး ဖြစ်တတ်တဲ့ စိတ်တင်းကြပ်ဖိစီးမှုတွေ လျော့ပါးသွားနိုင်ပါတယ်။
(၃) ယုံကြည်မှု ပိုမြင့်လာမယ်
အဝတ်မဲ့ အိပ်စက်ခြင်းဟာ ကိုယ့်ကိုယ်ကိုယ် ယုံကြည်မှု ပိုမြင့်လာစေလည်း အထောက်အကူဖြစ်ပါတယ်။ ကိုယ်လုံးတီးအိပ်စက်မှုအလေ့အထဟာ ကိုယ့်ကိုယ်ကိုယ် အထင်ကြီးမှုနဲ့ ကိုယ့်ခန္ဓာကိုယ်ပေါ် စိတ်ကျေနပ်မှု ပိုတိုးလာစေနိုင်ပါတယ်။
