အခုဝေမျှပေးချင်တာကတော့ လေယာဉ်ခရီးရှည်စီးရမယ့်ပျိုမေတွေအတွက် လေယာဥ်ပေါ်နဲ့ ဆိုက်ရောက်တဲ့အချိန်တွေမှာ လှနေဖို့အတွက် အလှအပဆိုင်ရာ အကြံပြုချက်တွေပါ။ Long Flight ကို အကြာကြီးစီးရတဲ့အခါ ပင်ပန်းနွမ်းနယ်နေတဲ့ပုံစံ မဖြစ်စေဖို့အတွက် လေယာဉ်မစီးခင် ဒီအချက်တွေကို လုပ်ပေးဖို့ လိုအပ်ပါတယ်။
လက်သည်းလုပ်ပါ
အလုပ်ကိစ္စနဲ့ ခရီးထွက်မယ်ဆိုရင်တော့ ခရီးမထွက်ခင် တစ်ရက်အလိုမှာ လက်သည်းညှပ်ဖို့ ဒါမှမဟုတ် Nail Art လုပ်ဖို့ စဉ်းစားပါ။
ရေချိုးပါ
လေယာဉ်အကြာကြီးစီးရတဲ့အခါ စိတ်ရှုပ်စရာမရှိဘဲ ခရီးဆုံးကိုရောက်ချင်တယ်ဆိုရင်တော့ ခရီးမထွက်ခင် ရေချိုးတာ အကောင်းဆုံးပါပဲ။ ဒီလိုရေချိုးပေးတာက လေယာဉ်ခရီးရှည်ရဲ့ စိတ်ဖိစီးမှုကို သက်သာစေပါတယ်။
မိတ်ကပ်ဖျက်ပါ
လိမ်းထားမိတ်ကပ်ရဲ့ အစိုဓာတ်အများစုက ပတ်ဝန်းကျင်စိုထိုင်းဆနည်းတဲ့အခါ အငွေ့ပျံသွားတတ်တာကြောင့် မိတ်ကပ်က ကြည့်ကောင်းမှာမဟုတ်တော့ပါဘူး။ ဒါကြောင့် လေယာဉ်စီးတဲ့အချိန် အသားအရေကို အစိုဓာတ်ရှိနေစေဖို့ Makeup Remover Wipes များ ဆောင်ထားပါ။
Moisturizer လိမ်းပါ
မိတ်ကပ်ဖျက်ပြီးတာနဲ့ Moisturizer လိမ်းပေးပါ။ ဒါက အရမ်းအရေးကြီးပါတယ်။
ရေသောက်ပါ
လေယာဉ်ပေါ်ရှိချိန်တစ်လျှောက်လုံး ခန္ဓာကိုယ်က ရေဓာတ်ခန်းခြောက်လာတာမလို့ အကြာကြီးစီးရတဲ့အခါ အစာခြေလမ်းကြောင်းဆိုင်ရာ ပြဿနာတွေပါ ဖြစ်လာနိုင်ပါတယ်။ ဒါကြောင့် လေယာဥ်ပေါ်မှာ ရေသောက်ဖို့ မမေ့ပါနဲ့။
