အံ့သြဖွယ်ကောင်းလွန်းတဲ့ ကျက်သရေရှိမှုတွေနဲ့ တကမ္ဘာလုံးကို ဆွဲဆောင်နိုင်လွန်းတဲ့ အလှဘုရင်မတိုင်းမှာ သူ့ကိုယ်ပိုင်စတိုင်လ် မန္တန်တွေ ရှိကြပါတယ်။ အခုမျှဝေပေးချင်တာက သမိုင်းစာမျက်နှာတွေပေါ်မှာ လှခဲ့ကြတဲ့ ‘Miss World’ ဆုရှင် ( ၇ ) ယောက်နဲ့ သူတို့ရဲ့ အလှအပဆိုင်ရာ လျှို့ဝှက်ချက်တွေပါ။
Aishwarya Rai Bachchan (၁၉၉၄၊ အိန္ဒိယ)
အအောင်မြင်ဆုံး Miss World ဆုရှင်တွေထဲက တစ်ဦးဖြစ်တဲ့ ဒီ Diva ဟာ သူမရဲ့ အသားအရေထိန်းသိမ်းဖို့ အတွက် နွားနို့နဲ့ နနွင်းမှုန့်ရောပြီး Exfoliator အနေနဲ့သုံးသလို Face Pack အတွက် Besan ၊ Cucumber Mask နဲ့ ဒိန်ချဉ်ကို ရံဖန်ရံခါ အသုံးပြုပါတယ်။
Priyanka Chopra (၂၀၀၀၊ အိန္ဒိယ)
Priyanka က နှုတ်ခမ်းခြောက်ပြီး ကွဲတာအတွက် sea salt lip scrub ၊ အသားအရေကို ရေဓာတ်ဖြည့်ဖို့ အိမ်လုပ် ubtan body scrub ၊ ဆံပင်နဲ့ဦးရေပြားအတွက် ပျားရည်နဲ့ ဒိန်ချဉ်ကို သုံးခဲ့သလို ရေများများသောက်ပြီးလည်း သူ့ကိုယ်သူ ရေဓာတ်ပြည့်စေပါတယ်။
Manushi Chillar (2017၊ အိန္ဒိယ)
Manushi ရဲ့ အလှတရားလျှို့ဝှက်ချက်တွေက အမြဲလိုလို ထင်ကြေးပေးခံနေရပါတယ်။ တကယ်တော့ သူမကသဘာဝအတိုင်း တောက်ပနေဖို့ အိပ်ရေးဝဝအိပ်ပြီး ရေများများသောက်တဲ့သူပါ။ ယောဂကျင့်စဉ် နဲ့ တစ်ပတ်ကို ၄-၅ ကြိမ် လေ့ကျင့်ခန်းလုပ်သလို အစားအစာကို မျှတအောင်စားသူပါ။
Rosanna Davison (2003၊ အိုင်ယာလန်)
Miss World အလှမယ်ဟောင်း Rosanna Davison က အလှအပဆိုင်ရာအာဟာရပညာရှင်တစ်ဦးဖြစ်ပြီး ပြီးပြည့်စုံတဲ့ ဘီကီနီ အမျိုးအစား ခန္ဓာကိုယ်ကိုရဖို့ ဟင်းသီးဟင်းရွက်ကို ဦးစားပေးစားသူပါ။ ရုပ်ရည်လှပဖို့အတွက် စိတ်ဖိစီးမှုကင်းဝေးအောင်နေဖို့လည်း အကြံပေးထားပါသေးတယ်။
Megan Young (ဖိလစ်ပိုင်၊ ၂၀၁၃)
Megan Young က Miss world သရဖူကို ပထမဆုံးရရှိတဲ့ Philippian တစ်ယောက်ပါ။ သူမက အကြီးစား Foodie တစ်ယောက်ဖြစ်ပေမယ့် သူမရဲ့ခါးလေးကတော့ သေးနေတုန်းပါ။
ဘာလို့လဲဆိုတော့ Fitness Training, Weight Training, Core Training စတဲ့ Training တွေနဲ့ ပြီးပြည့်စုံတဲ့ ဘီကီနီ အမျိုးအစား ခန္ဓာကိုယ်ကိုရဖို့ အမြဲလေ့ကျင့်နေသူတစ်ယောက်ပါ။
Anna Sidney (1964၊ United Kingdom)
ဗြိတိန်နိုင်ငံရဲ့ ဒုတိယ Miss World အလှမယ်ဆုရှင် ဗြိတိန်မင်းသမီး Anna Sidney က သဘာဝအတိုင်း လှသူတစ်ယောက်ပါ ။
ဒါပေမယ့် သူမရဲ့ အဆိုအရတော့ တောက်ပတဲ့ အလှတရားရဲ့ လျှို့ဝှက်ချက်က လှပတဲ့ စိတ်နေစိတ်ထားကို ပိုင်ဆိုင်ထားရုံကလွဲလို့ ဘာမှ မရှိပါဘူး။ သူမဟာ လူတိုင်းကို ညီတူညီမျှ လှပတယ်လို့ ခံစားပြီး သူမရဲ့ မျှော်မှန်းချက်ကတော့ ကိုယ့်ကိုယ်ကို ယုံကြည်ပြီး ကျန်းမာရေးကို အမြဲဂရုစိုက်ဖို့ပဲ ဖြစ်ပါတယ်။
Agbani Daregeo (2001၊ နိုင်ဂျီးရီးယား)
နိုင်ဂျီးရီးယားနိုင်ငံသူ Agbani Daregeo က Miss World ချန်ပီယံဆုကို ပထမဆုံးရရှိခဲ့တဲ့ အာဖရိကန်လူမျိုးတစ်ယောက်ပါ။
သူမရဲ့ အလှတရားဟာ အလွန်ရိုးရှင်းပါတယ်။ သူမရဲ့ အစားအသောက် မန္တန်ကတော့ ကျန်းမာရေးနဲ့ ညီညွတ်ပြီး ကျန်းမာစွာ စားသောက်ဖို့ပါ။ သူမက ယောဂဝါသနာရှင်တစ်ယောက်ဖြစ်ပြီး သူမရဲ့ ကိုယ်ခံအားကို ထိန်းသိမ်းဖို့အတွက် နှလုံးသွေးကြောဆိုင်ရာ လေ့ကျင့်ခန်းတွေလည်း လုပ်ပါတယ်။
