မင်္ဂလာပါပျိုမေတို့ရေ။ အလှအပဆိုတာ အမျိုးသမီးတိုင်းအတွက် မရှိမဖြစ်ပါပဲနော်။ အမြဲတမ်းလှနေစေဖို့ အလှအပဆိုင်ရာ နည်းလမ်းကောင်းလေးတွေကို မျှဝေပေးချင်ပါတယ်။
အုန်းဆီကို နှုတ်ခမ်းနီလိုသုံးမယ်
အုန်းဆီကို ဆံကေသာတစ်ခုတည်းအတွက်သာမကပါ နှုတ်ခမ်းသား ခြောက်သွေ့အက်ကွဲတာတွေအတွက် သုံးနိုင်ပါတယ်။ နှုတ်ခမ်းခြောက်တာကို ကာကွယ်ပေးသလို နှုတ်ခမ်းသားကိုလည်း စိုပြေစေပါတယ်။
အုန်းဆီနဲ့ မိတ်ကပ်ဖျက်မယ်
မိမိမှာ မိတ်ကပ်ဖျက်တာ ကုန်နေလို့ စိတ်မပူပါနဲ့။ ဝါဂွမ်းကို အုန်းဆီ တို့ပေးလိုက်ပြီး Eyeliner တွေ၊ EyeShadow တွေ၊ မိတ်ကပ်တွေကို ဖျက်ပေးလို့ရပါတယ်။
မျက်ကွင်းညိုတာ သက်သာဖို့
မျက်ကွင်းညိုတာ မျက်အိတ်ဖောင်းတာကို သက်သာစေဖို့အတွက် သခွားသီး (သို့) အာလူးကို ပါးပါးလှီးပြီး ကပ်ပေးလို့ရပါတယ်။
အသားအရေ စိုပြေစေဖို့ ပျားရည်
ပျားရည်ကို အသားအရေ စိုပြေစေဖို့အသုံးပြုနိုင်ပါတယ်။ ညအိပ်ယာမဝင်ခင် ပျားရည်ကို မျက်နှာပေါ်မှာ ၅ မိနစ် ၁၀ မိနစ်ခန့်လိမ်းထားပြီး မျက်နှာသစ်ချလိုက်ပါ။
နှုတ်ခမ်းသားအက်ကွဲနေရင်
နှုတ်ခမ်းသား အက်ကွဲနေရင် သကြားနဲ့ ပျားရည်ကို ရောပြီး နှုတ်ခမ်းကို ၅ မိနစ်လောက်ပွတ်ပေးလိုက်ပါ။ ပြီးရင် ၅ မိနစ်လောက် ဒီအတိုင်းထားပါ။ အဲဒီနောက် ရေဆေးချလိုက်ပြီး အဆီတမျိုးမျိုး လိမ်းပေးထားလိုက်ပါ။
မျက်နှာတွေ အသားအရေ ယားယံတာတွေကိုလည်း သကြားနဲ့ ပျားရည်ကို ရောပြီးလမ်းနိုင်သလို သကြားနဲ့ ရေနဲ့ရောပြီးလိမ်းနိုင်ပါတယ်။ သကြားအရည်မပျော်ခင် လိမ်းပေးပါ။
