အလှအပဆိုတာ လူတိုင်း နှစ်သက်တဲ့ အရာဖြစ်ပါတယ်။ အမျိုးသမီးတိုင်းလည်း အလှကြိုက်ကြပါတယ်နော်။ အလှကြိုက်တဲ့ အမျိုးသမီးတွေ သတိရသင့်တဲ့ အလှပဆိုင်ရာ နည်းလမ်းတွေကို မျှဝေပေးချင်ပါတယ်။
သင့်ခန္ဓာကိုယ်ကို အဆိပ်အတောက်ဖယ်ရှားပေးပါ
Green Tea အိတ် ၁၀ အိတ်လောက်ကို ရေနွေးနဲ့ ကျိုလိုက်ပြီး ရေချိုးမယ့် ကန်ထဲမှာ ထည့်လိုက်ပါ။ ပြီးရင် ရေချိုးပေးပါ။ သင့်အသားအရေပေါ်က အဆိပ်အတောက်တွေကို ဖယ်ရှားပေးပြီး အသားအရေကို ကြည်လင်စေပါတယ်။
မျက်တောင်ကော့တဲ့အခါ Baby Powder သုံးပေးပါ
မျက်တောင်မကော့ခင်မှာ Baby Powder နဲ့ အရင်ဆုံး မျက်တောင်မှာလိမ်းပေးလိုက်ပြီး Mascara လိမ်းပေးလိုက်ပါ။ ဒါဆိုရင် မျက်တောင်လည်း ပိုထူပြီး ပိုနက်မှောင်စေမှာဖြစ်ပါတယ်။
သွားတိုက်ဆေးကို ဝက်ခြံမှာလိမ်းပေးပါ
ဝက်ခြံစပေါက်လို့ နီရဲနေတဲ့အခါ သွားတိုက်ဆေးလိမ်းပြီး အိပ်ယာဝင်လိုက်ပါ။ မနက်ကျရင် ဝက်ခြံမှည့်သွားမှာဖြစ်ပြီး ညှစ်ထုတ်လိုက်ပါ။ ပြီးရင် ဝက်ခြံကို သွားတိုက်ဆေးထပ်အုံထားပါ။ အနာခြောက်သွားပါလိမ့်မယ်။
ဝက်ခြံက ညစ်လို့မရတဲ့ဝက်ခြံဆိုရင်လည်း မပျောက်မချင်း သွားတိုက်ဆေးအုံပေးထားလို့ရပါတယ်။
မျက်တောင်ကော့တံကို လေမှုတ်စက်နဲ့ မှုတ်ပေးပါ
မျက်တောင်ကော့တံကို မသုံးခင်မှာ လေမှုတ်စက်နဲ့ မှုတ်ပေးလိုက်ပါ။ အဲဒီလိုလုပ်ပေးတာဟာ ပိုပြီး မျက်တောင်ကော့စေမှာဖြစ်ပါတယ်။
ကျန်းမာရေးနဲ့ ညီညွတ်အောင်စားပါ
သင့်အသားအရေအတွက် ကျန်းမာရေးနဲ့ညီညွတ်တဲ့ အစားအစာကို စားပေးသင့်ပါတယ်။ အသီးအနှံများများစားပါ။ အကြော်စာ၊ ကိုလာနဲ့ အသင့်စားအစားတွေကိုရှောင်ပါ။
ရေအေးအေးလေးနဲ့ မျက်နှာသစ်ပါ
ရေနွေးထက် ရေအေးအေးလေးနဲ့ မျက်နှာသစ်တာဟာ သင့်မျက်နှာပေါ်က ချွေးပေါက်ကျယ်တာကိုသက်သာစေသလို အဆီတွေကိုလည်း ဖယ်ရှားပေးပါတယ်။
မိတ်ကပ်နဲ့ အိပ်ယာမဝင်ပါနဲ့
မိတ်ကပ်လိမ်းရက်သားနဲ့ အိပ်ယာဝင်တာဟာ သင့်မျက်နှာကို အဆီပြန်စေသလို ဝက်ခြံလည်းထွက်စေပါတယ်။ အသားအရေကိုပင်ပန်းနွမ်းနယ်စေပြီး မျက်ကွင်းညိုစေပါတယ်။
နေရောင်ကာကွယ်တဲ့ခရင်မ်လိမ်းပါ
အသားအရေကို နေရောင်ကာကွယ်တဲ့ ခရင်မ်လိမ်းပေးဖို့မမေ့ပါနဲ့။ နေပူထဲမထွက်ခင်မှာလည်း နေလောင်ကာကွယ်ပေးတဲ့ ခရင်မ်ကို လိမ်းပေးသင့်ပါတယ်။
ကြေမွသွားတဲ့မိတ်ကပ်ကို ပြန်သုံးပါ
ကြေမွသွားတဲ့မိတ်ကပ်ကို Brush ကိုသုံးပြီး ဆက်သုံးလို့ရပါတယ်။ အဲဒီလိုသုံးပေးခြင်းဖြင့် ငွေကုန်ကြေးကျလည်း သက်သာစေမှာဖြစ်ပါတယ်။
