အိမ်မှာစိုက်ပျိုးလို့ရတဲ့ ရှားစောင်းလက်ပတ်ရဲ့ အလှအပဆိုင်ရာ အစွမ်းသတ္တိများ

ရှားစောင်းလက်ပတ်ဟာဆိုရင် အလှအပရေးရာအဖြာဖြာအတွက် အရမ်းကိုကောင်းကျိုးပေးပြီး အသုံးဝင်တယ်ဆိုတာကို အားလုံးလည်းသိပြီးသားဖြစ်မှာပါ။ ဒါကြောင့် အလှအပကိုချစ်မြတ်နိုးတဲ့ မိန်းကလေးတိုင်းအတွက် ရှားစောင်းလက်ပတ်ရဲ့ ခေါင်းအစခြေအဆုံး အသုံးဝင်တဲ့အချက်လေးတွေနဲ့ နည်းလမ်းကောင်းလေးတွေကို မျှဝေပေးလိုက်ပါတယ်။

ဝက်ခြံအတွက် Face Mask

ဝက်ခြံရှိတဲ့သူတွေအတွက်တော့ ရှားစောင်းလက်ပတ်ဂျယ်လ် – စားပွဲတင်ဇွန်းတစ်ဇွန်းနဲ့ ပျားရည် – စားပွဲတင်ဇွန်းတစ်ဇွန်းတို့ကို ရောမွှေပြီး Brush နဲ့ယူကာ မျက်နှာမှာလိမ်းပေးပြီး Face Mask အနေနဲ့ အသုံးပြုနိုင်ပါတယ်။

ဝက်ခြံအမာရွတ်

ဝက်ခြံကြောင့်ဖြစ်တဲ့ မျက်နှာပေါ်ကအမာရွတ်တွေကို ပျောက်ကင်းသက်သာဖို့အတွက် ရှားစောင်းလက်ပတ်ရဲ့အထဲက ဂျယ်လ်အတုံးလေးတွေနဲ့ မျက်နှာကိုပွတ်ပြီးလိမ်းပေးမယ်ဆိုရင်တော့ သက်သာပျောက်ကင်းစေပါတယ်။