နာမည်ကြီး ကိုရီးယားဘောလုံးကစားသမားတို့ရဲ့ လက်တွဲဖော် အလှပဂေးအမျိုးသမီးများ

ကမ္ဘာကျော်ဘောလုံးသမားတိုင်းရဲ့ နောက်ကွယ်မှာ စွဲမက်ဖွယ်ကောင်းတဲ့ လက်တွဲဖော်ဇနီးတွေ ရှိတတ်ပါတယ်။ ဘောလုံးသမားတွေရဲ့ ဆော်ကြည်နှုန်းကတော့ သူတို့ပိုင်ဆိုင်ထားတဲ့ အမျိုးသမီးတွေရဲ့အလှကို ကြည့်ရင်သိနိုင်မှာပါ။

ဒီတစ်ခေါက် ပြောပြပေးမှာတော့ နာမည်ကြီး ကိုရီးယားဘောလုံးကစားသမားတွေ ပိုင်ဆိုင်ထားတဲ့ လက်တွဲဖော် အလှပဂေးအမျိုးသမီးတွေပဲ ဖြစ်ပါတယ်။

Han Hye-jin ( Ki Sung-yueng ရဲ့ဇနီး)

သူမကတော့ ဂျူမုံဇာတ်ကားသိကြတဲ့ ပရိသတ်တွေအနေနဲ့‌တော့ ရင်းနှီးပြီးသား မင်းသမီးတစ်လက်ပါ။ လက်ရှိအနေနဲ့ FC Seoul အသင်းက Ki Sung-yueng ရဲ့ဇနီးချောလေးဖြစ်ပါတယ်။ လက်ရှိမှာတော့ သူတို့နှစ်ဦးဟာ သမီးလေးတစ်ယောက် ပိုင်ဆိုင်ထားပါတယ်။

Kim Min-ji (Park Ji-sung ရဲ့ဇနီး)

နိုင်ငံတကာက ပရိသတ်တွေတောင်သိကြတဲ့ Park Ji-sung ရဲ့ လက်တွဲဖော်ဇနီးအချောလေးကတော့ သတင်းကြေညာသူ Kim Min-ji ပဲဖြစ်ပါတယ်။ ၂၀၁၁ ထဲက ဒိတ်လုပ်ခဲ့ကြတာဖြစ်ပြီး အခုဆိုရင်တော့ သားတစ်ယောက် သမီးတစ်ယောက် ဖွားမြင်ထားပါတယ်။

Anna Park (Park Joo-ho ရဲ့ ဇနီး)

Anna Park နဲ့ Park Joo-ho တို့ကတော့ ရှည်ရှည်ဝေးဝေး ပြောပြနေစရာ လိုမယ်မထင်ပါဘူးနော်။ အချစ်တော်လေးတွေဖြစ်ကြတဲ့ Naeun, Gunhoo, Jinwoo တို့ရဲ့ မိဘနှစ်ပါးတို့ဆိုတော့ အားလုံးနဲ့လည်း ရင်းနှီးပြီးသားပါပဲ။

Kim Jin Kyung (Kim Seung Gyu ရဲ့ ဇနီး)

Saudi Pro League club Al Shabab နဲ့ တောင်ကိုရီးယားအသင်းတို့ရဲ့ ဂိုးသမားဖြစ်တဲ့ Kim Seung Gyu နဲ့ သူရဲ့လက်တွဲဖော်ချစ်သူ အချောအလှလေး မော်ဒယ်နဲ့ မင်းသမီး Kim Jin Kyung ဟာ ၂၀၂၄ ခုနှစ်မှာ လက်ထပ်ခဲ့ကြပါတယ်။

Lee Soo-Jin (Lee Dong-gook ရဲ့ ဇနီး)

သူမကတော့ Return of Superman အစီအစဥ်မှာ ပါဝင်ခဲ့ဖူးတဲ့ ဘောလုံးကစားသမား Lee Dong-gook ရဲ့ဇနီးချောလေးဖြစ်ပါတယ်။ သူတို့မှာတော့ အားလုံးသိကြတဲ့အတိုင်း သားသမီးငါးယောက် ရှိပါတယ်။

Park Se-jin (Kim Young Gwon ရဲ့ ဇနီး)

Ulsan HD နဲ့ တောင်ကိုရီးယားအသင်းတို့ရဲ့ ကစားသမား Kim Young Gwon ရဲ့ဇနီးချောလေးကတော့ လေယာဥ်မယ်တစ်ဦးဖြစ်ပါတယ်။ သူတို့မိသားစုဟာ The Return of Superman အစီအစဥ်မှာ ပါဝင်ခဲ့ဖူးပြီး ချစ်စရာကောင်းတဲ့ သားနဲ့သမီး ပိုင်ဆိုင်ထားပါတယ်။