ကိုရီးယားမင်းသမီးတွေရဲ့ အလှဆုံးနဲ့ အကျော်ကြားဆုံး မင်္ဂလာဝတ်စုံများ

မင်္ဂလာပွဲကျင်းပတဲ့နေ့ဟာ မိန်းကလေးတစ်ယောက်အတွက်တော့ တစ်ကယ့် Big-Day ပါပဲ ။ ဒီလိုနေ့မျိုးမှာ အလှဆုံးဖြစ်ဖို့က မိန်းကလေးတိုင်းရဲ့အိပ်မက်ပါပဲ။ ဒီလိုမိန်းကလေးတွေထဲမှာ ကိုရီယားအနုပညာရှင်လေးလည်း အပါအဝင်ပါ။ ကိုရီးယားမင်းသမီးတွေက သူတို့ရဲ့ အထူးနေ့အတွက် အားလုံး မျက်စိမှိတ်မခွာနိုင်အောင် လှလွန်းတဲ့ အလှဆုံး မင်္ဂလာဝတ်စုံကို ၀တ်ခဲ့ကြတာပါ။

ဒါကတော့ ကိုရီးယားမင်းသမီးတွေနဲ့ သူတို့ဝတ်ခဲ့တဲ့ အလှဆုံးမင်္ဂလာဝတ်စုံတွေပါ။

1. Son Ye-Jin ရဲ့ မင်္ဂလာဝတ်စုံ ( ၂ ) စုံ

မင်းသမီး Son Ye-Jin က သူမရဲ့မင်္ဂလာပွဲအတွက် Vera Wang ရဲ့ 2020 နွေဦး Collection က အဖြူရောင်ဂါဝန်ကို ဝတ်ဆင်ခဲ့တာပါ။

2. Song Hye-Kyo ရဲ့ စိတ်ကြိုက် Christian Dior

Song Hye-Kyo နဲ့ Song Joong-Ki တို့က အခုချိန်မှာလမ်းခွဲသွားပေမယ့် အမှတ်တရတွေကတော့ ရှိနေဆဲပါပဲ ။ Song Hye-Kyo က ဆောင်းရာသီ Collection မှ Christian Dior ဂါဝန်ကို ဝတ်ဆင်ခဲ့တာပါ။ အစက အနက်ရောင် ကတ္တီပါ ၀တ်စုံဖြစ်ပေမယ့် Song Hye-Kyo ရဲ့တောင်းဆိုမှုကြောင့် အဖြူရောင်ဂါဝန်အဖြစ် Dior ရဲ့ အနုပညာဒါရိုက်တာ Maria Grazia Chiuri က သီးသန့်ဒီဇိုင်းပြုလုပ်ပေးခဲ့တာပါ။

3. Kim Tae-Hee ကိုယ်တိုင် ဒီဇိုင်းဆွဲထားတဲ့ မင်္ဂလာဝတ်စုံ

Kim Tae-Hee ဟာ နာမည်ကျော် ပေါ့ပ်အဆိုတော် Rain နဲ့ လက်ထပ်ခဲ့ပြီး သူမရဲ့ မင်္ဂလာဝတ်စုံက သူမကိုယ်တိုင် ဒီဇိုင်းထုတ်ခဲ့တာပါ။ ၀တ်စုံရဲ့ အထူးခြားဆုံး အစိတ်အပိုင်းကတော့ ဂါဝန်က မီနီဂါဝန်လေး ဖြစ်နေတာပါပဲ။

4. Jun Ji Hyun ရဲ့ Crystal Bodice

အမေရိကန် ဒီဇိုင်နာ Lady Reem Acra ဖန်တီးထားတဲ့ ဇာဂါဝန်ကို သူမရဲ့အထူးနေ့မှာ ဝတ်ခဲ့တာက မင်းသမီး Jun Ji Hyun ပါ။ ဂါဝန်ကအလန်းဖြစ်ပြီး အနုစိတ်တဲ့ ပန်းပုံစံတွေနဲ့ ဖန်တီးထားတာပါ။ ဒုတိယမြောက်ဂါဝန်ကိုတော့ ဗြိတိန်ဒီဇိုင်နာ Jenny Packham ရဲ့ Crystal ကုတ်အင်္ကျီပါတဲ့ ဂါဝန်ပါ။

5. Lee Min Jung’s Marchesa

မင်းသမီး Lee Min Jung ကတော့ သူမရဲ့ နေ့ထူးနေ့မြတ်မှာ အဖြူရောင်ဘောင်ကွပ်ထားတဲ့ ပုဝါရှည်အုပ်လွှမ်းခြုံထားတဲ့ ပိုးသားဂါဝန်ကို ၀တ်ဆင်ခဲ့တာပါ။ ဒီဂါဝန်ကိုတော့ New York အမှတ်တံဆိပ် Marchesa က ဒီဇိုင်းထုတ်ထားတာပါ။