လက်သည်းပုံဖော်တော့မယ်ဆိုရင် လက်သည်းဒီဇိုင်းတွေက ရှာရတာလွယ်ပေမယ့် ခြေသည်းဒီဇိုင်းတွေကျတော့ ရှာရတာလည်း မလွယ်သလို ဘယ်လိုပုံဖော်ရမလဲဆိုတာလည်း စဉ်းစားရခက်ပါတယ်။ ဒါကြောင့် ခြေသည်းပုံဖော်ချင်တဲ့သူတွေနဲ့ ဘယ်လိုပုံဖော်ရမလဲ မသိတဲ့သူတွေအတွက် လှပတဲ့ခြေသည်းဒီဇိုင်းဆန်းလေးတွေကို ဖော်ပြပေးလိုက်ပါတယ်။

ဒီခြေသည်းဒီဇိုင်းလေးဆိုရင် တစ်ချောင်းချင်းစီကို မတူအောင်ပုံဖော်ထားတာဖြစ်ပြီး ဖက်ရှင်ကျတဲ့ခြေသည်းဒီဇိုင်းလေးပါ။ ပုံဖော်ရတာလည်းလွယ်ကူသလို ပုံဖော်ပြီးရင်လည်း အရမ်းလှပါတယ်။ လက်ငြိမ်တဲ့သူတွေဆိုရင် ကိုယ်တိုင်တောင်ပုံဖော်လို့ရပါသေးတယ်။

ခြေချောင်းတွေအကုန်လုံးကို ပုံမဖော်ပဲခြေသည်းနီတစ်ရောင်ထဲဆိုးပြီး ခြေမတစ်ချောင်းထဲကို Smile ပုံလေးဖော်ထားတာက ရိုးရိုးလေးနဲ့ အရမ်းချစ်စရာကောင်းပါတယ်။ လူငယ်တော်တော်များများ နှစ်သက်မယ်လို့ထင်ပါတယ်။

အစိမ်းရောင်ကြိုက်တဲ့သူတွေအတွက်တော့ အစိမ်းနဲ့အဖြူကိုစပ်ပြီး သစ်ရွက်ပုံလေးတွေပုံဖော်ထားတာဖြစ်လို့ အရမ်းလှပတဲ့ ခြေသည်းဒီဇိုင်းလေးပါ။

ဖက်ရှင်ကျကျလေးပုံဖော်ချင်ရင် အချောင်းလေးတွေကို အရောင်မတူအောင်ဆွဲပြီး ပုံဖော်လို့လည်းရပါသေးတယ်။ ဒီခြေသည်းဒီဇိုင်းလေးက ဆိုးထားရင် ဘယ်တော့မှရိုးမသွားတဲ့ ဒီဇိုင်းလေးပါ။

ခြေသည်းနီကိုအနက်ရောင်လေးဆိုးပြီး ပန်းပွင့်ပုံလေးနဲ့လည်း မိန်းကလေးဆန်ပြီး ချစ်စရာကောင်းနေအောင် ပုံဖော်လို့ရပါသေးတယ်။

နီညိုရောင်လက်သည်းနီလေးကိုဆိုးပြီး ခြေမမှာ သုံးရောင်စပ်ကာပုံဖော်လို့ရပါသေးတယ်။ ဒီခြေသည်းဒီဇိုင်းလေးဆိုရင် ကိုယ်တိုင်တောင် ပုံဖော်လို့ရပါသေးတယ်။ ဘယ်တော့မှရိုးမသွားတဲ့ ခြေသည်းဒီဇိုင်းလေးပါ။

Photo Source: www.pinterest.com