နေ့တိုင်းပြင်ဆင်ဖို့အတွက် အဆင်ပြေပြီး အရမ်းလည်းလှတဲ့ Cozy Fall Makeup Look ပြင်နည်းလေးကို မျှဝေပေးလိုက်ပါတယ်။
အရင်ဆုံး အောက်ခံမိတ်ကပ် Foundation လိမ်းပါမယ်။
ပြီးရင် ပါးနီကို Cream Type လေးသုံးပြီး ပုံမှာခြယ်ပြထားသလို ပါးမို့နေရာနဲ့ နှာထိပ်လေးကို ခြယ်ပေးပါ။
မျက်ခုံးမွှေးဆွဲပါမယ်။
အညိုရောင် Eyeshadow နဲ့ ပုံမှာဆွဲပြထားသလို Eyeliner ဆွဲသလိုလေး ဆွဲပေးပါ။ မျက်လုံးအောက်နားလေးကိုလည်း ဆွဲပါမယ်။
Mascara နဲ့ မျက်တောင်ကော့ပြီး မျက်တောင်တုတပ်ပါမယ်။
အဖြူရောင် (သို့) ရွှေရောင် Gel Glitter Eyeshadow နဲ့ မျက်လုံးအောက်နားကို ခြယ်ပါမယ်။
Powder Pact ပါးပါးလေးလိမ်းပြီး အညိုဘက်သွားတဲ့ ပါးနီကို ခြယ်ပါမယ်။ အများကြီးမခြယ်ပါဘူး။ ပါးမို့အပေါ်နားလေးနဲ့ နှာခေါင်းထိပ်လေးကို နည်းနည်းခြယ်မှာပါ။
ရွှေညိုရောင် (သို့) ရွှေရောင် Highlighter နဲ့ ပါးရိုးနေရာ၊ နှာတံနေရာကို ခြယ်ပါမယ်။
နှုတ်ခမ်းနီကို အညိုရောင်လေးပဲ ဆိုးပါမယ်။
ဒါဆိုရင်တော့ နေ့တိုင်းပြင်ဆင်ဖို့အဆင်ပြေပြီး အရမ်းလည်းလှတဲ့ Cozy Fall Makeup Look လေးကို ရရှိသွားပြီပဲ ဖြစ်ပါတယ်။
