အပြာရောင်ကြိုက်တဲ့ ကောင်မလေးတွေအတွက် လှပတဲ့ အပြာရောင် လက်သည်းဒီဇိုင်း ၁၀ မျိုးကို ဖော်ပြပေးလိုက်ပါတယ်။ လက်သည်းပုံဖော်ဖို့ စဉ်းစားနေတယ်ဆိုရင်တော့ ဘာပုံဖော်ရမလဲ တကူးတကရှာပြီး စဉ်းစားနေစရာမလိုအောင် ဒီပုံလေးတွေထဲကသာ ရွေးချယ်လိုက်ပါ။
ဒီလက်သည်းဒီဇိုင်းဆိုရင် အပြာကိုမှ ၃ မျိုးစပ်ပြီး ပုံဖော်ထားတာဖြစ်လို့ အရမ်းလှပါတယ်။ အပြာရောင်ကြိုက်ရင် ရွေးချယ်သင့်တဲ့ လက်သည်းဒီဇိုင်းဖြစ်ပါတယ်။
ဒီလက်သည်းဒီဇိုင်းဆိုရင် စပ်ထားတဲ့အရောင်တွေနဲ့ ဒီဇိုင်းက အသားဆောင်ပြီး အရမ်းလှပါတယ်။ လက်သည်းအချွန်လေးတွေနဲ့ဆို ပိုပြီးလိုက်ပါတယ်။
လက်သည်းအရှည်မထားတဲ့သူဆိုရင် ဒီလက်သည်းဒီဇိုင်းလေးနဲ့ အရမ်းလိုက်ပါတယ်။ ချစ်ဖို့ကောင်းတဲ့ ရိုးရိုးရှင်းရှင်း လက်သည်းဒီဇိုင်းလေးပါ။
အပြာကိုမှ အရောင်နုတာလေးတွေပဲ ကြိုက်တယ်ဆိုရင်တော့ ဒီလက်သည်းဒီဇိုင်းလေးတွေကိုသာ ရွေးချယ်ပါ။ လူငယ်ဆန်ပြီး အရမ်းချစ်ဖို့ကောင်းတာကြောင့် လူငယ်ကောင်မလေးတွေနဲ့တော့ ပိုပြီးလိုက်ဖက်ပါတယ်။
ဒီလက်သည်းဒီဇိုင်းလေးဆိုရင် အပြာကိုမှ ခဲပြာလေးသုံးပြီး cat eyes လေးလုပ်ထားတာ အရမ်းလှပါတယ်။ လူကြီးလူငယ် အားလုံးနဲ့လိုက်ဖက်ပြီး လက်သည်းအတို၊ အရှည် ပုံစံမျိုးစုံနဲ့ လိုက်ဖက်တဲ့ဒီဇိုင်းလေးပါ။
ဒီဇိုင်းရှင်းတာမျိုးမကြိုက်ရင် အပြာအရင့်ဆိုးပြီး ဒီလိုလေးပုံဖော်ကြည့်ပါ။ အရမ်းလှပြီး အသားလည်းဆောင်ပါတယ်။ ဒါလည်း လူကြီးလူငယ် အားလုံးနဲ့လိုက်ဖက်ပြီး လက်သည်းပုံစံမျိုးစုံနဲ့ လိုက်ဖက်တဲ့ဒီဇိုင်းမျိုးပါ။
အပြာရောင်အရင့်ကြိုက်ရင်တော့ ဒီလက်သည်းဒီဇိုင်းလေးတွေကို ရွေးချယ်ပါ။ ဒီဇိုင်းရှင်းပြီး လှလည်းလှသလို အရောင်ကအစ အသားဆောင်ပါတယ်။ လူကြီးလူငယ် အားလုံးနဲ့လည်း လိုက်ဖက်ပါတယ်။
photo source:www.pinterest.com
