သင်က အသက်ငယ်ရွယ်စဉ်ကတည်းက အသားအရေကို ထိန်းသိမ်းထားမယ်ဆိုရင် အသက်အရွယ် တစ်ခု ရောက်လာတဲ့အခါလည်း ငယ်ရွယ်နုပျိုတဲ့ အလှကို ပိုင်ဆိုင်နေဦးမှာပါ။ အသက် ၁၈ ကျော်ဝန်းကျင်လောက်ကတည်းက အခြေခံ အသားအရေ ထိန်းသိမ်းနည်းတွေကို ပြုလုပ်နိုင်ပါပြီ။ ဒါပေမဲ့ ငယ်ရွယ်ချိန်က အကျန်းမာဆုံး အရွယ်ဖြစ်တာမို့ အများကြီး အားထုတ်စရာ မလိုပါဘူး။ ဒီတော့ အလွယ်တကူ ပြုလုပ်နိုင်ဖို့ Skin Care နည်းလမ်းတွေကို ကြည့်လိုက်ရအောင်နော်-
ကိုယ့်အသားအရေ အမျိုးအစားကို သိပါ
ဒါကတော့ အရေးအကြီးဆုံး အချက်ပါ။ အသားအရေ ထိန်းသိမ်းမှု မပြုလုပ်ခင် ကိုယ့်အသားအရေ အမျိုးအစားကို အရင် သိထားသင့်ပါတယ်။ Dry Skin လား Oily Skin လား Combination Skin လား Normal Skin လား၊ Sensitive Skin လား အရင်ဆုံး သိထားသင့်ပါတယ်။
၁။ Cleansing
အသားအရေ ထိန်းသိမ်းခြင်းမှာ အရေးအကြီးဆုံး အချက်က Moisturizer အဆင့် မဟုတ်ပါဘူး။ မျက်နှာ သန့်စင်တဲ့ Cleansing Step ပါ။ Cleansing လုပ်တဲ့အခါ အသားအရေ အတွင်းထဲထိ သန့်စင်ပေးနိုင်ဖို့ Double Cleansing ကို စလုပ်သင့်ပါတယ်။
၂။ Toner
လူငယ်တွေအနေနဲ့ Toner ကို စသုံးနိုင်ပါပြီ။ Toner က သင့်အသားအရေ pH Level ကို ထိန်းညှိပေးနိုင်ပြီး Skincare ပစ္စည်းတွေ အသားထဲ စိမ့်ဝင်ဖို့ ကူညီပေးနိုင်ပါတယ်။ Alcohol မပါတဲ့ Toner ကို သုံးသင့်ပါတယ်။
၃။ Serum
အသားထဲထိ စိမ့်ဝင်နိုင်တဲ့ Serum ကလည်း လူငယ်တွေ သုံးသင့်တဲ့ Skincare ပစ္စည်းပါပဲ။ ကိုယ့်အသားအရေနဲ့ သင့်တော်တဲ့ Serum ကို ရှာဖွေသုံးသင့်ပါတယ်။
၄။ Moisturizer
Skincare Step မှာ အရေးပါတဲ့ အစိုဓာတ် ထိန်းခရင်ကိုလည်း လူငယ်တိုင်း ပိုင်ဆိုင်ထားသင့်ပါတယ်။
၅။ Lip Balm
အသားအရေထဲမှာ နှုတ်ခမ်းသားလည်း ပါဝင်ပါတယ်။ သင့်နှုတ်ခမ်းသား စိုပြေတောက်ပနေဖို့ Lip Balm ကလည်း မရှိမဖြစ်ပါပဲ။
၆။ Face Scrub/ Face Mask
လူငယ်တွေအနေနဲ့ တစ်ပတ်မှာ တစ်ကြိမ်လောက် ချေးချွတ်ပေးသင့်ပါတယ်။ Face Scrub အပျော့စားနဲ့ ချေးချွတ်ပေးတဲ့အခါ အသားအရေ အရင်ထက် ချောမွတ်လာပါလိမ့်မယ်။ Face Scrub သုံးတဲ့နေ့တွေမှာ Face Mask ကိုပါ တွဲသုံးပေးသင့်ပါတယ်။ တစ်ပတ်တစ်ခါ မို့လို့ သင်အလုပ်မရှုပ်ပါဘူး။
Photo source: Pinterest
By MyStyle Myanmar
