ဒီတစ်ခေါက်မှာတော့ အနုပညာရှင်တို့ရဲ့ဖက်ရှင်ကဏ္ဍအတွက် တင်ဆက်ပေးချင်သူလေးကတော့ တရုတ်မင်းသမီးချော Bai Lu ပဲ ဖြစ်ပါတယ်။ C Drama ပရိသတ်တွေအဖို့တော့ သူမကို မသိတဲ့သူ ရှားသလောက်ပါပဲနော်။
Bai Lu ကို ၁၉၉၄ ခုနှစ် စက်တင်ဘာလ (၂၃) ရက်နေ့မှာ မွေးဖွားခဲ့ပြီး သူမရဲ့နာမည်အရင်းက Bai Mengyan လို့ ခေါ်ပါတယ်။ Changzhou Higher Vocational Technical Institute of Tourism and Commerce ကနေပြီးတော့ Foreign Language degree program နဲ့ ကျောင်းပြီးထားပါတယ်။
၂၀၁၅ ခုနှစ်မှာတော့ Taobao ကြော်ငြာအတွက် မော်ဒယ်လ်အဖြစ် စတင်ရိုက်ကူးခဲ့ပါတယ်။ Bai Lu ဟာ ၂၀၁၂ ခုနှစ်တုန်းက SM Entertainment ရဲ့ Audition မှာ ဝင်ရောင်ယှဥ်ပြိုင်ခဲ့ဖူးပါသေးတယ်။
သူမကို ပရိသတ်တွေအသိများကြတဲ့ ဇာတ်လမ်းတွဲတွေကတော့ Till The End Of The Moon, Only for Love, Story of Kunning Palace, Love Is Sweet, One and Only, Arsenal Military Academy, Ordinary Greatness စတာတွေပဲဖြစ်ပါတယ်။
မင်းသမီး Bai Lu ရဲ့ ပုံမှန်ဝတ်နေကြ ဖက်ရှင်တွေကို တင်ဆက်ပေးဖူးပြီးပြီဆိုတော့ အခုတစ်ခါမှာ သူမဝတ်ဆင်ခဲ့ဖူးတဲ့ တရုတ်ရိုးရာဝတ်စုံဖက်ရှင်တွေကို စုစည်းတင်ဆက်ပေးလိုက်ရပါတယ်။
