အသက်အရွယ် တစ်ခုရောက်လာလို့ အရေးအကြောင်းပေါ်လာသူ၊ အသားအရေ အရင်လောက် မတင်းရင်းတော့သူတွေအတွက် သဘာဝ Mask တစ်ခုအကြောင်းကို ဖော်ပြပါရစေ။ အခုဖော်ပြမယ့် Mask က အရေးအကြောင်းတွေကို လျှော့ချပေးပြီး အသားအရေကို တင်းတင်းလေး ဖြစ်စေပါတယ်။ အသက် ၂၅ ကျော်လာတာနဲ့ ပေါ်လာတတ်တဲ့ အသက်အရွယ် အိုမင်းခြင်းလက္ခဏာကို တိုက်ထုတ်ပေးတဲ့ Mask ဖြစ်ပါတယ်။ ဒီအတွက်လိုအပ်တဲ့ ပစ္စည်းတွေကတော့-
၁။ မုန်လာဥနီတစ်ချောင်း
မုန်လာဥနီကို ခြစ်စက်နဲ့ ခြစ်ပေးရပါမယ်။ ခြစ်ပြီးနောက် ဒီအဖက်တွေကနေ မုန်လာဥနီ အရည်ရအောင် ဖိညှစ်ပေးရပါမယ်။ မုန်လာဥနီက အသားအရေ အရေးအကြောင်းဖြစ်ခြင်း၊ အမည်းစက်တွေဖြစ်ခြင်းကို နှေးကွေးစေပါတယ်။
၂။ အာလူးတစ်ဥ
အာလူးအခွံခွာကာ အဖက်လေးတွေ ရအောင် ခြစ်ပေးရပါမယ်။ အာလူးအဖက်ကိုလည်း မုန်လာဥနီလို အရည်ရအောင် ညှစ်ပေးရပါမယ်။ ဒီအရည်ကို မုန်လာဥနီရေထဲ ရောပေးရပါမယ်။ အာလူးက အသားအရေအတွက် သဘာဝ Collagen ဓာတ်ဖြစ်ပါတယ်။
ဒီအရောထဲကို Gelatin Powder တစ်ဇွန်းထည့်ပေးရပါမယ်။ ထည့်ပြီးနောက် အိုးတစ်အိုးထဲ ထည့်ပေးကာ ၁ မိနစ် ပြုတ်ပေးရပါမယ်။ ၁ မိနစ် ပြုတ်ပြီးနောက် အအေးခံပေးရပါမယ်။
ဒီအရည်ကို သန့်ရှင်းတဲ့ အသားအရေပေါ် ပွတ်လိမ်းပေးရပါမယ်။ အလွှာပါးပါးလေး လိမ်းပေးပြီး ခြောက်အောင်ထားရပါမယ်။ ပထမအလွှာခြောက်တာနဲ့ နောက်တစ်လွှာ ထပ်လိမ်းပေးရပါမယ်။ ဒါကိုလည်း ခြောက်အောင် ထားရပါမယ်။
Photo Source: Boldsky.com
ခြောက်တာနဲ့ သူက အပြင်အရေခွံ တစ်လွှာပုံစံ ဖြစ်သွားပါလိမ့်မယ်။ ဒါကို ဖြည်းဖြည်းလေး ခွာပေးရပါမယ်။ ဒီ Mask က မျက်နှာပေါ်က အမွှေးလေးတွေကိုပါ တစ်ခါတည်း ဖယ်ရှားပေးပါတယ်။
ဒါ့အပြင် အသားအရေကို ဖြူစင်ကာ ကြည်လင်စေပါတယ်။ ဖယ်ပြီးနောက်မှာတော့ မျက်နှာကို ရေနွေးနွေးလေးနဲ့ တစ်ခါ၊ ရေအေးအေးလေးနဲ့ တစ်ခါ ဆေးကြောပေးရပါမယ်။
ဆေးပြီးနောက် အစိုဓာတ်ထိန်းခရင် လိမ်းပေးရပါမယ်။ သင့်အသားအရေက ချက်ချင်း တင်းရင်းသွားတာကို သတိထားမိပါလိမ့်မယ်။
ဒီနည်းလမ်းကို တစ်ပတ်မှာ နှစ်ကြိမ်ပြုလုပ်နိုင်ပါတယ်။
Photo Source: Pinterest
By MyStyle Myanmar
