ဟယ်လို MyStyle Myanmar ရဲ့ စာဖတ်ချစ်လေးတို့ရေ…ဒီတစ်ခေါက် အနုပညာရှင်တို့ရဲ့ ဖက်ရှင်ကဏ္ဍအတွက် ရွေးချယ်ထားသူလေးကတော့ အမေရိကန်သူလေးဖြစ်ပြီး အဆိုတော်နဲ့သရုပ်ဆောင် Hailee Steinfeld ပဲဖြစ်ပါတယ်။
သူမကတော့ Critics’ Choice Movie Award, Peabody Award နဲ့ Billboard Music Award ဆုတွေကို ပိုင်ဆိုင်ထားသူတစ်ဦးလည်းဖြစ်ပါတယ်။
၁၉၉၆ ခုနှစ်၊ ဒီဇင်ဘာလ ၁၁ ရက်နေ့မှာ အမေရိကန်ိုင်ငံ၊ ကယ်လီဖိုးနီးယားပြည်နယ်၊ လော့စ်အိန်ဂျလိစ်မှာ မွေးဖွားခဲ့တာဖြစ်ပြီး အခုမှ အသက် ၂၆ နှစ်ပဲရှိပါသေးတယ်နော်။ သူမမှာ အစ်ကိုတစ်ယောက်လည်း ရှိပါသေးတယ်။
Steinfeld က အသက် ၁၀ နှစ်အရွယ်မှာပဲ အနုပညာလုပ်ငန်းကို စတင်လုပ်ကိုင်ခဲ့တာဖြစ်ပြီး She’s a Fox ဆိုတဲ့ နာမည်ကျော်ဇာတ်ကားထဲမှာလည်း Talia Alden ဆိုတဲ့ ကောင်မလေးအဖြစ် ပါဝင်ခဲ့ဖူးပါသေးတယ်။ True Grit ဆိုတဲ့ ဇာတ်ကားမှာ ပါဝင်ခဲ့ချိန်ကတော့ အသက် ၁၃ နှစ်အရွယ်ပဲ ရှိပါသေးတယ်။
ဒါ့အပြင် သူမကို ပိုပြီးလူသိများစေတဲ့ ဇာတ်ကားတွေကတော့ Hawkeye, Dickinson, Transformers 6, Pitch Perfect 2 & 3, Spider-Man: Into the Spider-Verse စတာတွေပဲဖြစ်ပါတယ်။
သူမရဲ့ ကျော်ကြားတဲ့ သီချင်းနာမည်တွေကတော့ Let Me Go, Most Girls, Capital Letters တို့ပါပဲ။
အခုလိုမျိုး ငယ်ငယ်ရွယ်ရွယ်နဲ့ ကျော်ကြားနေတဲ့ သူမရဲ့ဖက်ရှင်လေးတွေကို ပျိုမေတို့အတွက် ဝေမျှပေးလိုက်ရပါတယ်နော်။
Image Source: Pinterest
