ဟယ်လို MyStyle Myanmar ရဲ့ အနုပညာရှင်တို့ရဲ့ ဖက်ရှင်ကဏ္ဍက တစ်ဖန်ရောက်ရှိလို့ လာပြန်ပါပြီ။ ဒီတခေါက်မှာတော့ တရုတ်မင်းသမီးချောလေးဖြစ်တဲ့ Julia Xiang ကို ရွေးချယ်ထားပါတယ်။
သူမရဲ့ တရုတ်နာမည်က Xiang Han Zhi ဖြစ်ပြီး Julia က သူမရဲ့ English နာမည်ပါ။ Julia ရဲ့ မွေးနေ့က ၂၀၀၂ ခုနှစ် မေလ (၄) ရက်နေ့ဖြစ်ပြီးတော့ အမေရိကန်နိုင်ငံမှာ မွေးဖွားခဲ့တဲ့ အမေရိကန်-တရုတ် မင်းသမီးလေးလည်းဖြစ်ပါတယ်။
ငယ်စဥ်ကတည်းက တင်းနစ်နဲ့ သရုပ်ဆောင်ကို ဝါသနာပါသူဖြစ်ပြီး ဒါရိုက်တာ Xu Jing Lei နဲ့ အမှတ်မထင်တွေ့ဆုံပြီးနောက် စာချုပ်ချုပ်ဆိုခဲ့တာပါ။ ၂၀၁၈ ခုနှစ်မှာတော့ သရုပ်ဆောင်လောကကို ဝင်ရောက်လာခဲ့ပြီး ၂၀၁၉ ခုနှစ်မှာ သူမပါဝင်ထားတဲ့ “Unbelievable Sunny” ဆိုတဲ့ ဇာတ်ကားထွက်ရှိခဲ့ပါတယ်။
သူမပါဝင်ထားတဲ့ တခြားဇာတ်ကားတွေကတော့ “Honey, Don’t Run Away”, “Forever Love”, “Our Times”, “A Little Mood for Love”, “Love in Time”, “Ripe Town”, “Love of the Divine Tree” တို့ပဲ ဖြစ်ပါတယ်။
သူမကို ချစ်ကြတဲ့ ပရိသတ်တွေအတွက် သူမရဲ့ ဖက်ရှင်လေးတွေကို စုစည်းတင်ဆက်ပေးလိုက်ပါတယ်နော်။
Image Source: Pinterest
