The Fault in Our Stars ဇာတ်လမ်းတွဲထဲက မင်းသမီး Shailene Woodley ရဲ့ ဖက်ရှင်များ

မင်္ဂလာပါနော်။ ဟောလိဝုဒ်ရုပ်ရှင်ချစ်သူတွေ ဟောလိဝုဒ်မင်းသမီးလေး Shailene Woodley ကို မှတ်မိကြမှာပါ။ ဒီတခါ MyStyle Myanmar ရဲ့ အနုပညာရှင်ဖက်ရှင်ကဏ္ဍမှာတော့ ဟောလိဝုဒ်မင်းသမီးလေး Shailene Woodley ကိုရွေးချယ်ထားပါတယ်။

သူ့ကို ၁၉၉၁ ခုနှစ် နိုဝင်ဘာလ ၁၅ ရက်နေ့က ကယ်လီဖိုးနီးယားမှာ မွေးဖွားခဲ့တာဖြစ်ပါတယ်။ အရပ်အမြင့် ၁.၇၃ မီတာ (၅ပေ ၈.၁၁ လက်မ)ရှိပြီး အရပ်မြင့်မြင့်နဲ့ ဆွဲဆောင်မှုရှိသူတစ်ဦးဖြစ်ပါတယ်။

အသက် ၄ နှစ်အရွယ်မှာကတည်းက မော်ဒယ်လုပ်ငန်းကို စတင်လုပ်ကိုင်ရင်း တီဗီရုပ်သံဇာတ်လမ်းတွဲတွေထဲမှာ ဇာတ်ကောင်အသေးစားကနေစပြီး သရုပ်ဆောင်အဖြစ် စတင်လျှောက်လှမ်းခဲ့ပါတယ်။

ABC ရုပ်သံလိုင်းက မိသားစုဒရမ်မာဇာတ်လမ်းတွဲဖြစ်တဲ့ The Secret Life of the American Teenager (2008–2013) ထဲမှာ Amy Juergens အဖြစ် သရုပ်ဆောင်ရင်းနဲ့ စပြီးပရိတ်သတ်တွေ သတိထားမိလာခဲ့ပါတယ်။

The Descendants (2011) ရုပ်တင်ဇာတ်ကားနဲ့ Cannes Trophée Chopard ဆုကို ဆွတ်ခူးရရှိခဲ့ပြီး Golden Globe Award က ပေးအပ်တဲ့ Best Supporting Actress အတွက်ကိုတော့ ဆန်ကာတင်စာရင်းဝင်ခဲ့ပါတယ်။

သူမကို ကမ္ဘာကပရိတ်သတ်တွေ ပိုပြီးသိလာစေခဲ့တာကတော့ ကင်ဆာရောဂါသည် ဆယ်ကျော်သက်ကောင်မလေးအဖြစ် သရုပ်ဆောင်ခဲ့တဲ့ ၂၀၁၄ ခုနှစ်က The Fault in Our Stars ဆိုတဲ့ အချစ်ဇာတ်ကားပဲဖြစ်ပါတယ်။

ရုပ်ရှင်ဇာတ်ကားတွေ ဆက်တိုက်ဆိုသလို ရိုက်ကူးနေပြီး အောင်မြင်မှုတွေ အများကြီးရရှိထားသူလည်းဖြစ်ပါတယ်။