Hollywood မှာ တချိန်က အင်မတန်ကျော်ကြားလူကြိုက်များခဲ့တဲ့ Fantastic Four ဇာတ်ကားကို ကြည့်ဖူးတဲ့သူတွေဆိုရင်တော့ မင်းသမီးချော Jessica Alba ကို သိကြမယ်လို့ ထင်ပါတယ်နော်။
Jessica Alba ရဲ့ နာမည်အရင်းအပြည့်အစုံက Jessica Marie Alba ဖြစ်ပြီးတော့ အမေရိကန်လူမျိုး မင်းသမီးနဲ့ စီးပွားရေးလုပ်ငန်းရှင် အမျိုးသမီးတစ်ဦးဖြစ်ပါတယ်။
သူမကိုတော့ ၁၉၈၁ ခုနှစ် ဧပြီလ ၂၈ ရက်နေ့မှာ အမေရိကန်နိုင်ငံ ကယ်လီဖိုးနီးယားပြည်နယ်မှာ မွေးဖွားခဲတာဖြစ်ပါတယ်။ ခင်ပွန်းသည် Cash Warren နဲ့ ၂၀၀၈ ခုနှစ်ကတည်းက လက်ထပ်ခဲ့တာဖြစ်ပြီးတော့ သားသမီး (၃) ယောက်ရှိပါတယ်။
သူမ အသက် (၁၃) နှစ်အရွယ်မှာ Camp Nowhere, The Secret World of Alex Mack တို့မှာ စတင်ပါဝင်လာခဲ့ပါတယ်။ ထိုမှတဆင့် (၁၉) နှစ်အရွယ်ရောက်တဲ့အခါမှာတော့ တီဗီစီးရီးတွဲတစ်ခုဖြစ်တဲ့ Dark Angel မှာ ခေါင်းဆောင်မင်းသမီးအဖြစ် ပါဝင်သရုပ်ဆောင်ခဲ့ရာမှ Golden Globe ဆန်ကာတင်အဖြစ်ပါ ပါဝင်ခဲ့တဲ့အထိ အောင်မြင်လာခဲ့ပါတယ်။
အခုလိုမျိုး အနုပညာနယ်ပယ်မှာလည်း နေရာတစ်ခုကို ရရှိထားတဲ့အပြင် ကမ္ဘာတစ်ဝှမ်း အောင်မြင်နေတဲ့ စီးပွားရေးလုပ်ငန်းကိုပါ လုပ်ကိုင်နေတဲ့ မင်းသမီးချော Jessica Alba ရဲ့ ဖက်ရှင်လေးတွေကို MyStyle Myanmar ရဲ့ ပရိတ်သတ်တွေအတွက် အခုပဲ ဖော်ပြပေးလိုက်ရပါတယ်။
Image Source: Pinterest
