ဆံပင်ကြမ်းလို့ conditioner တွေသုံးလည်း မရဘူးဆိုတဲ့သူတွေအတွက် ဆံသားနူးညံ့ပျော့ပြောင်းအောင် လုပ်ပေးမယ့် သဘာဝနည်းလမ်းကောင်းတွေကို မျှဝေပေးလိုက်ပါတယ်။ ကိုယ့်ဆံသားက အရမ်းကြမ်းနေတယ်ဆိုရင် ဒီနည်းလမ်းတွေကို try ကြည့်ဖို့ အကြံပေးချင်ပါတယ်။
ကြက်ဥနဲ့ဒိန်ချဉ်
ကြက်ဥတစ်လုံးနဲ့ ဒိန်ချဉ်ကို သင့်တော်သလောက်ရောမွှေပြီး ဆံသားအနှံ့သေချာလိမ်းပေးပါ။ တစ်နာရီ (သို့) နာရီဝက်လောက်ထားပြီး ခေါင်းလျှော်လိုက်ရုံပါပဲ။ ဒီနည်းလမ်းကတော့ ဆံသားနူးညံ့ပျော့ပြောင်းစေပြီး ဆံသားအတွက်လိုအပ်တဲ့ အာဟာရဓာတ်ကိုလည်း ဖြည့်ပေးပါတယ်။
အုန်းနု့ိ၊ ထောပတ်သီးနဲ့ Jojoba Oil
အုန်းနို့၊ ထောပတ်သီးနဲ့ jojoba oil ကို သင့်တော်သလောက် ရောမွှေပြီး ဆံသားမှာလိမ်းပေးပါ။ ၄၅ မိနစ်ထားပြီးမှ ခေါင်းလျှော်ပါ။ ဒီနည်းလမ်းကတော့ ဆံသားနူးညံ့ပျော့ပြောင်းပြီး ဆံသားသန်စွမ်းကျန်းမာစေပါတယ်။
နွားနို့နဲ့ပျားရည်
နွားနို့ – ခွက်တစ်ဝက်စာနဲ့ ပျားရည် – စားပွဲတင်ဇွန်း ၂ ဇွန်းကို ရောမွှေပြီး ဆံသားအနှံ့ သေချာလိမ်းပေးပါ။ ပြီးရင် တစ်နာရီထားပြီးမှ ခေါင်းလျှော်ချပါ။ ဒီနည်းလမ်းကို ပုံမှန်လုပ်ပေးရင် ဆံသားနူးညံ့ပျော့ပြောင်းပြီး hair glow ဖြစ်လာစေပါတယ်။
သင်္ဘောသီးနဲ့ဒိန်ချဉ်
သင်္ဘောသီးအမှည့် အလုံးသေးတစ်လုံး (သို့) တစ်ခြမ်းကို အခွံခွာပြီးချေပါ။ ပြီးရင် ဒိန်ချဉ်တစ်ခွက်နဲ့ ရောမွှေပြီး ပျစ်ပျစ်လေးဖြစ်သွားပြီဆိုမှ ဆံသားနဲ့ ဦးရေပြားအနှံ့ သေချာလိမ်းပေးပါ။ တစ်နာရီခွဲကြာအောင်ထားပြီးမှ ခေါင်းလျှော်ချပါ။ ဒီနည်းလမ်းကတော့ ဆံသားနူးညံ့ပျော့ပြောင်းစေပြီး ဦးရေပြားခြောက်သွေ့တာ၊ ဗောက်ထတာတွေ သက်သာစေပါတယ်။
