သဘာဝအတိုင်း ကိုယ်အလေးချိန်တက်စေမယ့် နည်းလမ်းများ

ဝတဲ့သူက ပိန်ချင်တယ်… ပိန်ချင်တဲ့သူက ဝချင်တယ်… ဒါကြောင့် ဝိတ်တက်ချင်တဲ့ပျိုမေတွေအတွက် သဘာဝနည်းနဲ့ ကိုယ်အလေးချိန်တက်အောင် ဘယ်လိုလုပ်ရမလဲဆိုတာ ဝေမျှလိုက်ပါတယ်။

အနီရောင်အသား

ပရိုတင်းဓာတ်နဲ့ သံဓာတ်များစွာ ပါဝင်တဲ့အသားက ကိုလက်စထရောမြင့်မားတာကြောင့် ကိုယ်အလေးချိန်ကို လွယ်လွယ်ကူကူတက်လာစေပါတယ်။

Peanut Butter

မြေပဲထောပတ် စားပွဲတင်ဇွန်းတစ်ဇွန်းမှာ ကယ်လိုရီ 100 ၀န်းကျင်ရှိပါတယ်။ သဘာဝအတိုင်း ကိုယ်အလေးချိန်တက်ဖို့ ကြိုးစားနေသူတွေအတွက် ပရိုတင်းနဲ့အဆီများပါဝင်တဲ့ Peanut Butter က ကျန်းမာရေးနဲ့ညီညွတ်ပါတယ်။

Fat Milk

နွားနို့မှာ ဗီတာမင်နဲ့ အာဟာရဓာတ်တွေ ပြည့်ဝပါတယ်။ ကိုယ်အလေးချိန်တိုးစေဖို့ နွားနို့သောက်တဲ့အခါ Skimmed Milk အစား Whole Milk ကို ရွေးပါ။

သစ်သီး

သစ်သီးကိုမှ အထူးသဖြင့် အပူပိုင်းဒေသသစ်သီးတွေက ကိုယ်အလေးချိန်တက်ဖို့ ကူညီပေးနိုင်ပါတယ်။ သရက်သီး၊ ငှက်ပျောသီး၊ သင်္ဘောသီးနဲ့ နာနတ်သီးတွေမှာ ကောင်းမွန်တဲ့ သဘာဝသကြားဓာတ်တွေ ပါဝင်တာကြောင့် ကိုယ်အလေးချိန်တက်စေမယ့် နည်းလမ်းကောင်းတစ်ခုပါ။

ထောပတ်သီး

ထောပတ်သီးတစ်လုံးရဲ့တစ်ဝက်လောက်မှာ ကယ်လိုရီ ၁၄၀ ပါဝင်ပါတယ်။ ကျန်းမာရေးနဲ့ ညီညွတ်တဲ့ အဆီတွေကို ပေါင်းထည့်ဖို့ ထောပတ်သီးက အကောင်းဆုံးနည်းလမ်းတစ်ခုပါ။ ဒါကြောင့် ထောပတ်သီးကို အသုပ်အနေနဲ့ စားဖို့ မမေ့ပါနဲ့။

Whole Wheat Bread

အမျှင်ဓာတ်နဲ့ သတ္တုဓာတ်များပါဝင်တဲ့ Whole Wheat Bread မှာ ကျန်းမာရေးနဲ့ညီညွတ်တဲ့ မနက်စာအတွက် လုံလောက်တဲ့ အာဟာရဓာတ်တွေ ပါဝင်ပြီး ကယ်လိုရီလည်း လုံလုံလောက်လောက်ပါဝင်ပါတယ်။