မင်္ဂလာပါ… ပျိုမဒီတို့ရေ… အသီးအနှံတွေကို နေ့စဉ်စားပေးရင် ကိုယ်ခံအားကို မြှင့်တင်ပေးနိုင်တယ်ဆိုတာ လူတိုင်းသိပါတယ်။ ဒါ့အပြင် အသီးအနှံတွေကနေ ပြုလုပ်ထားတဲ့ Fruit Face Mask တွေကလည်း အသားအရေနဲ့ မျက်နှာကို အံ့သြဖို့ကောင်းအောင် အကျိုးထူးတွေရစေပါတယ်။

ဒါကြောင့် အိမ်မှာနေရင်း စမ်းသုံးကြည့်လို့ရအောင် Fruit Face Mask အချို့ကို ဝေမျှပေးလိုက်ပါတယ်။

Papaya Mask

သင်္ဘောသီးမှာ ဗီတာမင် C နဲ့ A ကြွယ်ဝစွာပါဝင်ပြီး အထူးအင်ဇိုင်းတစ်မျိုးပါ၀င်တာကြောင့် မျက်နှာမှာရှိတဲ့ အမဲစက်တို့ကို ပျောက်ကင်းစေပါတယ်။

ပါဝင်ပစ္စည်းများ-
သင်္ဘောသီး ဆယ်တုံး
နို့ သို့မဟုတ် မလိုင် ၁ ဇွန်း
ပျားရည် ၁ ဇွန်း

သင်္ဘောသီးတုံးများကို နယ်ပြီး နွားနို့ သို့မဟုတ် မလိုင် ၁ ဇွန်းထည့်ထည့်ပြီး သမအောင် မွှေပါ။ လည်ပင်းနဲ့ မျက်နှာကို လိမ်းပြီး 15-20 မိနစ်ခန့် ခြောက်အောင်ထားပါ။ ပြီးမှ Mask ကို ဖယ်ပြီး ကြက်သီးနွေးရေနဲ့ ဆေးပေးပါ။ တကယ်လို့ နို့နဲ့မတည့်ဘူးဆိုရင် နို့အစား ပျားရည်ကိုသုံးလို့ရပါတယ်။

Dragon Fruit Mask

နဂါးမောက်သီးမှာ ဗီတာမင် B3 ကြွယ်ဝစွာ ပါဝင်တာကြောင့် နေလောင်ထားတဲ့ အသားအရေကို သက်သာစေပြီး ရောင်ရမ်းခြင်း၊ ယားယံခြင်းနဲ့ နီခြင်းတွေကို သက်သာစေပါတယ်။ ဒါ့အပြင် ဗီတာမင် C က အသားအရေကို မွဲခြောက်ခြင်းကနေ ကာကွယ်ပေးပြီး လန်းဆန်းပြီး နုပျိုနေစေပါတယ်။

ပါဝင်ပစ္စည်းများ-
နဂါးမောက်သီး ၁ လုံး
ဒိန်ချဉ်နည်းနည်း

နဂါးမောက်သီးကို အခွံခွာပြီး ချေလိုက်ပါ။ ဒိန်ချဉ်ထည့်ပြီး သမအောင်မွှေပေးပါ။ မျက်နှာနဲ့ လည်ပင်းမှာ လိမ်းပြီး မိနစ် 30 လောက်ထားလိုက်ပါ။ ပြီးမှ Mask ကို ဖယ်ပြီး ကြက်သီးနွေးရေနဲ့ ဆေးပေးပါ။

Orange Mask

လိမ္မော်သီးမှာပါတဲ့ Citric Acid ဟာ ဗီတာမင် C ကြွယ်ဝတဲ့ အပြင် Free Radical တွေကို တိုက်ထုတ်တဲ့ Antioxidant ဖြစ်တာကြောင့် အိုမင်းရင့်ရော်မှုကို နှေးကွေးစေပါတယ်။

ပါဝင်ပစ္စည်းများ-
နနွင်းမှုန့် လက်ဖက်ရည်ဇွန်း တစ်ဇွန်း
ပျားရည် ထမင်းစားဇွန်း ၁ ဇွန်း
လိမ္မော်သီး ၁ လုံး
နှင်းဆီရေ လက်ဖက်ရည်ဇွန်းတစ်ဝက်

လိမ္မော်သီးကို အခွံနွှာပြီး အရည်ညှစ်ပြီး နနွင်းထည့်ပါ။ ပြီးရင် ပျားရည်၊ နှင်းဆီရေတို့နဲ့ ရောစပ်ပြီး သမအောင် မွှေပါ။ မျက်နှာနဲ့ လည်ပင်းမှာ လိမ်းပြီး အနည်းဆုံး မိနစ် 20 ခန့် ခြောက်အောင်ထားပါ။ ပြီးမှ Mask ကို ဖယ်ပြီး ရေအေးနဲ့ မျက်နှာသစ်ပါ။

Banana Mask

ငှက်ပျောသီးမှာ ဗီတာမင် A၊ ဗီတာမင် C၊ ဗီတာမင် B6 နဲ့ ပိုတက်ဆီယမ်တို့လို အာဟာရဓာတ်များ ပါဝင်တာကြောင့် ဝက်ခြံနဲ့ မျက်နှာပေါ်က အမဲစက်တွေကို ကုသပေးနိုင်စွမ်းရှိပါတယ်။ သဘာဝ Antioxidant တစ်မျိုးဖြစ်ပြီး Free Radical တွေကို တိုက်ထုတ်ကာ တောက်ပတဲ့ အသားအရေကို ရရှိစေပါတယ်။

ပါဝင်ပစ္စည်းများ-
ငှက်ပျောသီး ၁ လုံး
ဒိန်ချဉ်နည်းနည်း
နနွင်း 1 ဇွန်း

ငှက်ပျောသီး အခွံခွာပြီး နနွင်း ၊ ဒိန်ချဉ်နဲ့ လိုအပ်တဲ့ရေပမာဏထည့်ပြီး သမအောင် မွှေပါ။ မျက်နှာပေါ် လိမ်းပြီး 10-15 မိနစ်ခန့်ထားပါ။ ပြီးမှ Mask ကို ဖယ် ကြက်သီးနွေးရေနဲ့ မျက်နှာသစ်ပြီး ခြောက်အောင်သုတ်ပါ။

Avocado Mask

ထောပတ်သီးမှာပါတဲ့ အိုမီဂါ-၃ ဖက်တီးအက်ဆစ်၊ ဗီတာမင် A, B, E နဲ့ K တို့က ကော်လာဂျင်ကို တိုးပွားစေပြီး အသားအရေကို ပြန်လည်နုပျိုစေပါတယ်။

ပါဝင်ပစ္စည်းများ-
ထောပတ်သီး တစ်ဇွန်း
ရှားစောင်းလက်ပတ်ဂျယ် လက်ဖက်ရည်ဇွန်း တစ်ဇွန်း

ထောပတ်သီးအနှစ် စားပွဲတင်ဇွန်း တစ်ဇွန်းကို ယူပြီး ရှားစောင်းလက်ပတ် ဂျယ် လက်ဖက်ရည်ဇွန်း တစ်ဇွန်းနဲ့ ရောမွှေပါ။ မျက်နှာပေါ်မှာ လိမ်းပြီး အနည်းဆုံး 20-25 မိနစ်လောက်ထားပေးပါ။ ရေနဲ့ သေချာဆေး ခြောက်အောင် သုတ်ပြီး moisturizer လိမ်းပေးပါ။