လက်ရှိ တောင်ကိုရီးယားမှာ ရေပန်းစားလူကြိုက်များနေတဲ့ မင်းသားတွေထဲမှာ ဗီလိန်ဇာတ်ရုပ်နဲ့ လူသိများလာခဲ့တဲ့ မင်းသားချော Ahn Bohyun ကလည်း တစ်ယောက်အပါအဝင်ဖြစ်ပါတယ်။
FN Entertainment ကုမ္မဏီမှ စင်တင်ပြီး ၂၀၁၄ ခုနှစ်မှာ မင်းသားအဖြစ် ပွဲဦးစထွက်ခဲ့ကာ ၂၀၁၉ ခုနှစ်တုန်းက ထွက်ရှိခဲ့တဲ့ Her Private Life ဇာတ်လမ်းတွဲထဲမှာ ဒုတိယမင်းသားအဖြစ် ပါဝင်ခဲ့ရာမှတဆင့် ပရိတ်သတ်များ စတင်သတိထားမိလာကြပါတယ်။
၂၀၂၀ မှာတော့ လူအများကြိုက်နှစ်သက်ခဲ့တဲ့ Itaewon Class ဇာတ်လမ်းတွဲထဲမှာ ဗီလိန်အဖြစ် ဇာတ်ကောင်ကို ပိုင်နိုင်စွာသရုပ်ဆောင်နိုင်ခဲ့တာကြောင့် ပိုပြီးလူသိများလာခဲ့ပါတယ်။ ထိုမှတဆင့် ဇာတ်လမ်းအများအပြားကို စတင်ရိုက်ကူးလာခဲ့ရပြီဖြစ်တဲ့ မင်းသား Ahn Bohyun အကြောင်းကို နည်းနည်းလောက် ပြောပြမယ်နော်။
အမည်ရင်းကလည်း Ahn Bo Hyun ပဲဖြစ်ပြီး သူ့ရဲ့မွေးနေ့ကတော့ ၁၉၈၈ ခုနှစ် မေလ ၁၆ ရက်နေ့ဖြစ်ပါတယ်။ အရပ်အမြင့်ကတော့ ၆ ပေ ၂ လက်မရှိတာမို့ အရပ်မြင့်မြင့်နဲ့ ဆွဲဆောင်မှုရှိတဲ့ မင်းသားတွေထဲမှာ တစ်ဦးအပါအဝင်လည်းဖြစ်ပါတယ်။
သွေးအမျိုးအစားက အေသွေးဖြစ်ပြီး တောင်ကိုရီးယားနိုင်ငံ ဘူဆန်မြို့မှာ ဖွားမြင်ခဲ့သူပါ။ မော်ဒယ်လ်အဖြစ် စတင်ပွဲဦးထွက်ခဲ့ပြီး Daekyeung တက္ကသိုလ်ကျောင်းဆင်းဖြစ်ကာ လက်ဝှေ့ပြိုင်ပွဲတွေမှာ ပါဝင်ယှဥ်ပြိုင်ခဲ့ဖူးပြီး ရွှေတံဆိပ်ကိုလည်း ဆွတ်ခူးဖူးပါသေးတယ်။
Image Source: Pinterest
