တစ်နှစ်နဲ့တစ်နှစ် မရိုးရအောင် အဖွဲ့သစ်တွေ တစ်ခုပြီးတစ်ခုထွက်နေတဲ့ ကေပေါ့လောကထဲကမှ လတ်တလော တောင်ကိုရီးယားမှာ ပေါ်ပြူလာဖြစ်နေတဲ့ New Jeans လို့ အမည်ရတဲ့ အဖွဲ့လေးတစ်ခုနဲ့ မိတ်ဆက်ပေးချင်ပါတယ်။

ကေပေါ့နဲ့ပတ်သက်ပြီး အမြဲတမ်း Up to date ဖြစ်နေသူတွေအတွက်ကတော့ ရင်းနှီးနေပြီးသားဖြစ်မယ်ဆိုပေမယ့် သိပ်မသိသေးသူတွေအတွက် နည်းနည်းလေး ပြောပြပေးချင်ပါတယ်နော်။

ကမ္ဘာတစ်ဝှမ်းက ပရိတ်သတ်တွေ အထူးအားပေးရတဲ့ BTS, Seventeen, TXT, Enhypen, fromis_9, Le Serrafirm စတဲ့ အဖွဲ့တွေရဲ့ ကုမ္မဏီဖြစ်တဲ့ HYBE ရဲ့ လက်အောက်က နောက်ထပ်ကုမ္မဏီအခွဲတစ်ခုဖြစ်တဲ့ ADOR ကနေ စင်တင်ပေးလိုက်တဲ့ အဖွဲ့တစ်ခုဖြစ်ပါတယ်။

ဘယ်အချိန်ဖြစ်ဖြစ် ဝတ်ရတာရိုးမသွားတဲ့ ဂျင်းဖက်ရှင်လိုမျိုး New Jeans အဖွဲ့ကလည်း Generations ရဲ့ Icon တစ်ခုဖြစ်လာဖို့ ရည်ရွယ်ပြီး အဖွဲ့နာမည်ဖြစ်လာခဲ့တာပါ။

ပုံမှန်ဆိုရင်  Teaser အရင်ထွက်ပြီး မိတ်ဆက်လေ့ရှိတယ်ဆိုပေမယ့် New Jeans အဖွဲ့ကတော့ Attention ဆိုတဲ့ သီချင်းနဲ့ ပရိတ်သတ်တွေရှေ့မှောက်ကို အရင်ဆုံးရောက်ရှိလာခဲ့တာဖြစ်ပြီး နောက်ဆက်တွဲအနေနဲ့ Hype Boy, Hurt, Cookie စတဲ့ သီချင်းတွေလည်း ထွက်ရှိထားပါသေးတယ်။

ဒီအဖွဲ့လေးမှာတော့ Hanni, Minji, Danielle, Haerin, Hyein ဆိုတဲ့ ဆယ်ကျော်သက်ကောင်မလေး ငါးယောက်ပါဝင်ပြီး အဖွဲ့ထဲက အငယ်ဆုံးလေး Hyein ဟာဆိုရင် အခုမှ ၁၄ နှစ်ပဲရှိပါသေးတယ်။

ဒါဆိုရင်တော့ လက်ရှိမှာရေပန်းစားနေတဲ့ New Jeans အဖွဲ့ရဲ့ ဖက်ရှင်လေးတွေကို အခုပဲကြည့်လိုက်ရအောင်ပါ။

Image Source: Pinterest