“Kao” လို့ ပရိတ်သတ်တွေက ချစ်စနိုးခေါ်ကြတဲ့ ထိုင်းမင်းသမီးချောလေးရဲ့ နာမည်အပြည့်အစုံက  Supassara Thanachart ဖြစ်ပြီး ၂၀၁၁ ခုနှစ်ကတည်းက ဇာတ်လမ်းတွဲတွေနဲ့ ရုပ်ရှင်ကားတွေကို ရိုက်ကူးလျက်ရှိတဲ့ မင်းသမီးနဲ့မော်ဒယ်လ်တစ်ဦးဖြစ်ပါတယ်။

ထိုင်းနိုင်ငံ ဘန်ကောက်မှာ မွေးဖွားခဲ့တာဖြစ်ပြီး သူမရဲ့မွေးနေ့ကတော့ ၁၉၉၅ ခုနှစ် ဧပြီလ ၂၉ ရက်နေ့မို့ လက်ရှိမှာ အသက် ၂၆ နှစ်ရှိပါပြီ။ အရပ်အမြင့်က ၁.၆၃ စင်တီမီတာပါ။

၂၀၁၁ ခုနှစ်မှာ သရုပ်ဆောင်နဲ့မော်ဒယ်လ် အနုပညာအလုပ်ကို စတင်လုပ်ကိုင်ခဲ့တာဖြစ်ပြီး “Luang Ta Mahachon” က သူမရဲ့ ပထမဆုံး ဇာတ်လမ်းတွဲပါ။ ထို့နောက် GMM25 channel မှ O-Negative မှာ ပါဝင်သရုပ်ဆောင်ခဲ့ပြီး ၂၀၁၆ ခုနှစ်မှာ Channel 3 Thailand နဲ့ စာချုပ်ချုပ်ဆိုခဲ့ပါတယ်။

၂၀၁၉ ခုနှစ်တုန်းက မင်းသား Great Warintorn Panhakarn နဲ့အတူ My Secret Bride ဇာတ်လမ်းတွဲမှာ ပါဝင်သရုပ်ဆောင်ခဲ့ပြီး ၂၀၂၀ နှစ်ကုန်ခါနီးတုန်းက ထွက်ရှိခဲ့ပြီး အင်မတန်လူကြိုက်များခဲ့တဲ့ My Forever Sunshine အမည်ရ ဇာတ်လမ်းတွဲမှာလည်း မင်းသားချော Mark Prin Suparat နဲ့အတူ ပါဝင်သရုပ်ဆောင်ခဲ့ပါသေးတယ်။