မင်္ဂလာပါနော်။ မင်းသမီး Kim So Hyun ကို တောင်ကိုရီးယား ရုပ်ရှင်ချစ်သူတွေ အားလုံးသိကြမယ်လို့ထင်ပါတယ်။ ငယ်ငယ်လေးကတည်းက ရုပ်ရှင်ကားတွေမှာ ကလေးသရုပ်ဆောင်အဖြစ် ပါဝင်ခဲ့ရင်း လက်ရှိအထိ အနုပညာလုပ်ရှားမှုတွေ ဆက်တိုက် လုပ်နေသူဖြစ်ပါတယ်။
၁၉၉၉ ခုနှစ် ဇွန်လ ၄ ရက်နေ့က ဩစတြေးလျနိုင်ငံမှာ မွေးဖွားခဲ့တာဖြစ်ပြီး အရပ်အမြင့် ၅ပေ ၅ လက်မ ရှိပါတယ်။
ကလေးသရုပ်ဆောင် Kim So Hyun
Kim So Hyun က ၂၀၀၆ ခုနှစ်က ထွက်ရှိခဲ့တဲ့ Drama City ဇာတ်ကားမှာ စပြီးသရုပ်ဆောင်ခဲ့တာဖြစ်ပါတယ်။
အဲဒီနောက်ပိုင်း A Happy Woman (2007), Que Sera Sera (2007), Hometown of Legends (2008), My Name Is Pity (2008), Wife and Woman (2009) နဲ့ Ja Myung Go ဆိုတဲ့ ရုပ်သံဇာတ်လမ်းတွဲမှာလည်း ထပ်ပြီး သရုပ်ဆောင်ခဲ့ပါသေးတယ်။
Moon Embracing the Sun
၂၀၁၂ ခုနှစ်ကထွက်ခဲ့တဲ့ Moon Embracing the Sun ဇာတ်ကားမှာ သူစတင်ပြီး နာမည်ကျော်ခဲ့တာပါ။ ဒုတိယမင်းသမီးရဲ့ ငယ်ဘဝ အဖြစ် သရုပ်ဆောင်ထားပြီး ပီပြင်တဲ့ဗီလိန်ဇာတ်ကောင်ကြောင့် သူ့ကို လူသိများစေတဲ့ ဇာတ်ကားဖြစ်ပါတယ်။
Missing You
အက်ရှင်ပါတဲ့ ဒရမ်မာဇာတ်ကားဖြစ်ပြီး အဲဒီဇာတ်ကားနဲ့ သူ့ကို လူသိများစေခဲ့ပါတယ်။
အဲဒီနောက်ပိုင်း ဇာတ်လမ်းတွဲတွေရော ဇာတ်ကားကောင်းတွေရော အများကြီး ရိုက်ကူးလာခဲ့ရပြီး ပရိသတ်ရဲ့ အားပေးမှုကို ပိုမိုပြီး ရရှိခဲ့သူဖြစ်ပါတယ်။
Music Core
ဒီရုပ်သံအစီအစဥ်မှာလည်း SHINee အဖွဲ့ဝင် Minho, ရုပ်သံတင်ဆက်သူ Noh Hong-chul တို့နဲ့အတူလည်း MC အဖြစ် လုပ်ကိုင်ခဲ့ပါသေးတယ်။
၂၀၁၅ ခုနှစ်မှာတော့ Who Are You: School 2015 ဇာတ်ကားကို ထွက်ရှိထားခဲ့ပါသေးတယ်။ အဲဒီကားထဲမှာ အမြွှာညီအစ်မအဖြစ် ကာရိုက်တာနှစ်ခုကို သရုပ်ဆောင်ထားတာပါ။
၂၀၁၆ ခုနှစ်မှာထွက်ခဲ့တဲ့ Pure Love ဇာတ်ကားမှာလည်း EXO အဖွဲ့ဝင် Doh Kyung Soo နဲ့အတူ သရုပ်ဆောင်ခဲ့ပါသေးတယ်။
၂၀၁၆ ခုနှစ်ထဲမှာပဲ Hey Ghost, Let’s Fight ဆိုတဲ့ ဇာတ်လမ်းတွဲ ထွက်ရှိခဲ့ပြီး အောင်မြင်တဲ့ ဇာတ်လမ်းတွဲဖြစ်ခဲ့ပါတယ်။
၂၀၁၇ ခုနှစ်မှာတော့ မင်းသား Yoo Seungho နဲ့အတူ The Emperor: Owner of the Mask ဆိုတဲ့ နန်းတွင်းကားလည်း ထွက်ရှိခဲ့ပါတယ်။
တခြားဇာတ်လမ်းတွဲတွေအနေနဲ့ကတော့ My Lovely Liar, Love Alarm, The Tale of Nokdu, Radio Romance စတာတွေပဲဖြစ်ပါတယ်။
