ဆွဲဆောင်မှုရှိတဲ့မျက်နှာပေါက်လေးကို ပိုင်ဆိုင်ထားတဲ့ ထိုင်းမင်းသမီးချော Fah Yongwaree ရဲ့ အကြောင်းနဲ့ သူမရဲ့ဖက်ရှင်

Drama Series ပရိသတ်တွေအားလုံးပဲ မင်္ဂလာပါနော်။ ဒီတစ်ခေါက်မှာ “Nabi, My Stepdarling” ဇာတ်လမ်းတွဲနဲ့ လတ်တလောရေပန်းစားနေတဲ့ “F4 Thailand: Boys Over Flower” တို့နဲ့လူသိများလာတဲ့ ထိုင်းမင်းသမီးချောလေး Fah Yongwareeရဲ့အကြောင်းနဲ့ သူမရဲ့ဖက်ရှင်အချို့ကို ဖော်ပြပေးချင်ပါတယ်။

သူမရဲ့ နာမည်အရင်းက “Yongwaree Anilbol” ဖြစ်ပြီး နာမည်အတို “Fah” အနေနဲ့လူသိများပါတယ်။ Fah က အသက် (၁၃) နှစ်လောက်ကတည်းက အနုပညာလောကထဲ ဝင်ရောက်ခဲ့တာဖြစ်ပြီး ကြော်ငြာနဲ့ TV Program တွေမှာ ပါဝင်ခဲ့ပါတယ်။ “Petch Klang Fei” ဆိုတဲ့ ပွဲဦးထွက်ဇာတ်လမ်းတွဲကို (၁၈)နှစ်မှာ ရိုက်ကူးခဲ့ပြီး လက်ရှိမှာတော့ အသက် (၂၃) နှစ်ရှိပါပြီ။ Ramkhamhaeng တက္ကသိုလ်မှာ Law မေဂျာနဲ့ဘွဲ့ရထားတဲ့အပြင် လက်ရှိ US, Washington DC မှာ လေယာဉ်မှူးပညာ သွားရောက်လေ့လာနေဆဲဖြစ်တာကြောင့် အနာဂတ် အမျိုးသမီး လေယာဉ်မှူးတစ်ယောက်ဆိုရင်လည်း မမှားပါဘူး။

မော်ဒယ်လ်နဲ့မင်းသမီးတစ်ဦးဖြစ်တဲ့ သူမဟာ ၂၀၂၁ ခုနှစ်မှာပဲ GMM ကုမ္ပဏီနဲ့ စာချုပ်ချုပ်ခဲ့ပြီး ယခုနှစ်အသစ်ထွက်ရှိမယ့် “Enchanté” ၊ “P.S I Hate You” ၊ “The Warp Effect” နဲ့ “Good Old Days” စတဲ့ ဇာတ်လမ်းတွဲအသစ်တွေမှာ ပါဝင်သရုပ်ဆောင်ထားတာပဲဖြစ်ပါတယ်။