ငယ်ငယ်ရွယ်ရွယ်နဲ့ အောင်မြင်တာက အားကျဖို့ကောင်းပါတယ်။ ဒါပေမဲ့ အောင်မြင်မှုဒဏ်ကို မခံနိုင်ဘဲ ကျရှုံးသွားသူတွေကိုလည်း မြင်ဖူးကြမှာပါ။ ငယ်ငယ်က သိခဲ့တဲ့ ကလေးသရုပ်ဆောင်အချို့ကတော့ အရက်စွဲ၊ ဆေးစွဲဘဝနဲ့ သရုပ်ဆောင်လမ်းကြောင်းကို ကိုယ်တိုင်ဖျက်ဆီးခဲ့ကြပါတယ်။ ဒီအနုပညာရှင် (၆) ဦးက ဘယ်သူတွေလဲဆိုတာ ကြည့်လိုက်ရအောင်-
၁။ Edward Furlong
Source: Daily Express
Furlong ကိုတော့ “Terminator 2”ဇာတ်ကားထဲမှာ John Conner အနေနဲ့ ရင်းနှီးကြမှာပါ။ ဒီဇာတ်ကားကြောင့်ပဲ နာမည်ရခဲ့ပြီး ထိန်းမနိုင်သိမ်းမရဖြစ်ခဲ့ပါတယ်။ သူဟာ အကြိမ်ကြိမ် ဥပဒေငြိစွန်းခဲ့ပြီး စိတ်ရောဂါကုဆေးရုံတင်ခဲ့ရပါတယ်။
၂။ Haley Joel Osment
Source: City of Edmonton News
Osment ကတော့ ”The Sixth Sense,” “Artificial Intelligence,” နဲ့ “Forrest Gump.”စတဲ့ဇာတ်လမ်းတွေနဲ့ လူသိများခဲ့ပါတယ်။ သူဟာ အရက်မူးပြီး မတော်တဆကားတိုက်မှုဖြစ်ခဲ့ပါတယ်။ အထိန်းသိမ်းခံကာလနဲ့ ဒဏ်ကြေးဆောင်ခဲ့ရပြီး အရက်သောက်သူများ စုဝေးပွဲကိုလည်း ခဏခဏ သွားခဲ့ရပါတယ်။
၃။ Amanda Bynes
Source: Albany Daily News
Amanda Bynes ကတော့ “The Amanda Show” နဲ့ လူသိများခဲ့သူပါ။ သူမရဲ့ အောင်မြင်မှုဟာ အရက်စွဲ ဆေးသုံးမှု၊ ရိုက်ပြေးမှုတွေနဲ့ မှေးမှိန်ခဲ့ရပါတယ်။ သူမဟာ မီးရှို့မှုနဲ့လည်း စိတ်ကျန်းမာရေးဆေးရုံတင်ခဲ့ရပါတယ်။ ခုချိန်မှာတော့ သက်သာနေပြီဖြစ်ပါတယ်။
၄။ Jake Lloyd
Source: BabbleTop
ကလေးသရုပ်ဆောင်အများစုက အောင်မြင်ပြီးနောက်ပိုင်း သူတို့ရဲ့ အောင်မြင်မှုကို ကိုယ်တိုင်ဖျက်ဆီးခဲ့ပေမယ့် Jake ကတော့ ဒီလိုမဟုတ်ပါဘူး။ Jake ဟာ Star Wars ဇာတ်လမ်းမှာ Anakin Skywalker အနေနဲ့ အကြီးအကျယ်အောင်မြင်ခဲ့ပြီး ဒီအောင်မြင်မှုကြောင့်ပဲ သူဟာ ငရဲတွင်းထဲ တွန်းပို့ခံခဲ့ရပါတယ်။ ဘာလို့လဲဆိုတော့ Jake ဟာ ကျောင်းမှာ ခဏခဏ အနိုင်ကျင့်ခံခဲ့ရပါတယ်။ သူဟာ Schizophrenia ရောဂါခံစားခဲ့ရပြီး စိတ်ကျန်းမာရေးဆေးရုံမှာပဲ အချိန်ကုန်ဆုံးခဲ့ရပါတယ်။
၅။ Macaulay Culkin
Culkin ကိုတော့ Home Alone ဇာတ်လမ်းနဲ့ လူတိုင်းလိုလိုသိကြမှာပါ။ သူဟာ ဖခင်ဖြစ်သူနဲ့ အဆင်မပြေဖြစ်ရာကစပြီး ဒုက္ခရောက်ခဲ့ပါတယ်။ Culkin ဟာ ဘိန်းလက်ဝယ်တွေ့ရှိမှုကြောင့် ဒဏ်တပ်ခံခဲ့ရပြီး ထောင်ဒဏ်ချခံခဲ့ရပါတယ်။
၆။ Lindsay Lohan
Source: Albany Daily News
Lohan ကတော့ The Parent Trap, Freaky Friday နဲ့ Mean Girls စတဲ့ဇာတ်ကားတွေနဲ့ ပရိတ်သတ်ရင်ထဲမှာ နေရာယူခဲ့ပါတယ်။ သူမဟာ ဘိန်းစွဲမှု၊ အရက်စွဲမှုတွေကြောင့် နာမည်ပျက်ခဲ့ရပါတယ်။ သူမရဲ့ အနုပညာလမ်းကြောင်းကတော့ အရင်လိုပြန်ကောင်းတော့မှာမဟုတ်ပါဘူး။
By MyStyle Myanmar
